MH 13 News Network
चौंडेश्वरी माता मंदिरात 500 महिलांनी बांधल्या सोमनाथ वैद्य यांना राख्या
ओवाळणी म्हणून सर्व भगिनींना दिल्या पर्स
सोलापूर : जगदंबा नगरातील चौडेश्वरी मंदिरात जगदंबा महिला बचत गटातील सुमारे 500 महिला भगिनींनी स्वयंम शिक्षा फाउंडेशनचे संस्थापक ॲड. सोमनाथ वैद्य यांना राख्या बांधून आमदारकीसाठी आशीर्वाद दिले. दरम्यान, ओवाळणी म्हणून सर्व भगिनींना पर्स देण्यात आली. सोमनाथ वैद्य यांच्या सामाजिक कार्याची सध्या दक्षिण मतदार संघात मोठ्या प्रमाणावर चर्चा सुरू आहे. त्यातच लाडक्या बहिणींनी वैद्य यांना राखी बांधल्याने स्त्री शक्ती माझ्या पाठीशी उभी राहील असा आशावाद वैद्य यांनी व्यक्त केला आहे.
चौडेश्वरी मंदिरात जगदंबा महिला बचत गटाच्या वतीने आज रक्षाबंधन सण उत्साहपुर्ण वातावरणात साजरा करण्यात आला. दक्षिण सोलापूर विधानसभा मतदारसंघातून निवडणुकीच्या तयारीत असलेले विकासाचा ध्यास घेतलेल्या ऍड. सोमनाथ वैद्य यांना याप्रसंगी येथील सुमारे 500 महिला भगिनींनी राख्या बांधल्या. औक्षण केले. तसेच येणाऱ्या निवडणुकीत आपण आमदार व्हा असा आशीर्वादही दिला. यावेळी बंधू ॲड. सोमनाथ वैद्य यांनी ओवाळणी म्हणून सर्वांना पर्स दिल्या.
तसेच सर्व भगिनींना स्नेह भोजनाची व्यवस्था करण्यात आली.
सर्व महिला भगिनींच्या विकासासाठी त्या आत्मनिर्भार व्हाव्यात यासाठी आणि रक्षणार्थ एक बंधू म्हणून मी कटिबद्ध आहे. अडचणीला कधीही हाक द्या मी तत्पर सेवेत हजर राहील, अशी ग्वाही यावेळी ॲड.सोमनाथ वैद्य यांनी दिली.
