सिटी सिव्हिल कोर्टाचे न्यायाधीश इजाजुद्दीन काझी आणि त्यांचे स्टेनो चंद्रकांत वसुदेव यांना लाच स्वीकारताना एसीबीकडून रंगेहात अटक

mh 13 news network

महाराष्ट्र राज्य लाचलुचपत प्रतिबंधक विभागाने (Anti Corruption Bureau – ACB) एका मोठ्या कारवाईत सिटी सिव्हिल कोर्टाचे न्यायाधीश इजाजुद्दीन सलाउद्दीन काझी आणि त्यांचे स्टेनो चंद्रकांत वसुदेव यांना तब्बल ₹५० लाख लाच मागणी प्रकरणात रंगेहात पकडले आहे.

एसीबीच्या माहितीनुसार, संबंधित न्यायाधीशांनी एका खटल्यात अनुकूल निकाल देण्यासाठी फिर्यादीकडून ₹५० लाखांची लाच मागितली होती. या पैशांपैकी पहिली हप्ता रक्कम ₹१५ लाख स्वीकारताना दोघांना एसीबीने सापळा रचून रंगेहात पकडले.

ही कारवाई महाराष्ट्र पोलिसांच्या लाचलुचपत प्रतिबंधक विभागाच्या पथकाने केली असून, या प्रकरणाची सखोल चौकशी सुरू आहे. न्यायव्यवस्थेतील अधिकाऱ्यांवर झालेली ही कारवाई मोठी खळबळ उडवणारी ठरली आहे.