MH 13 NEWS NETWORK
सोलापूर – आज छत्रपती संभाजी महाराज चौक येथे छत्रपती संभाजी महाराज यांच्या भव्य शंभू मुद्रेच्या स्थापनेच्या कामाचे भूमिपूजन उत्साहात पार पडले. हे भूमिपूजन सहाय्यक अभियंता मुन्नासाहेब तळीखेडे यांच्या हस्ते करण्यात आले.
या वेळी शिवपुत्र छत्रपती संभाजी महाराज मध्यवर्ती महामंडळाचे संस्थापक अध्यक्ष रामभैय्या जाधव, उत्सव उपाध्यक्ष वीरेश कलशेट्टी यांच्यासह अनेक मान्यवर उपस्थित होते.
शंभू मुद्रा बसवण्याची ही मागणी रामभैय्या जाधव यांनी आमदार विजयकुमार देशमुख यांच्याकडे केली होती. या मागणीची तत्काळ दखल घेत शंभू मुद्रेची मंजुरी मिळवण्यात आली. त्यामुळे शिवप्रेमींमध्ये समाधानाचे वातावरण निर्माण झाले आहे.
सोलापुरातील छत्रपती संभाजी महाराज चौक आता अधिक ऐतिहासिक आणि प्रेरणादायी ठरणार असून, येथील शंभू मुद्रा भविष्यातील पिढ्यांसाठी शिवचरित्राची आठवण जागवणारी ठरेल, असा विश्वास महामंडळाच्या पदाधिकाऱ्यांनी व्यक्त केला.
