MH13 News network
डॉ. स्मिता जाधव आणि कौस्तुभ गावडे यांना पाठिंबा देण्याचे आवाहन; आमदार देवेंद्र कोठे यांची उपस्थिती
सोलापूर : प्रतिनिधी
पुणे विभाग पदवीधर आणि शिक्षक मतदारसंघाच्या निवडणुकीच्या पार्श्वभूमीवर महायुतीकडून मोर्चेबांधणीला वेग आला आहे. पालकमंत्री जयकुमार गोरे यांनी सोमवारी वालचंद शिक्षण समूहाचे अध्यक्ष डॉ. रणजीत गांधी यांची भेट घेऊन दोन्ही मतदारसंघांतील निवडणुकीबाबत सविस्तर चर्चा केली. या वेळी आमदार देवेंद्र कोठे यांची प्रमुख उपस्थिती होती.
पुणे विभाग पदवीधर मतदारसंघातील महायुतीच्या उमेदवार डॉ. स्मिता जाधव आणि पुणे विभाग शिक्षक मतदारसंघातील महायुतीचे उमेदवार कौस्तुभ गावडे यांना पाठिंबा देण्याचे आवाहन पालकमंत्री गोरे यांनी डॉ. गांधी यांच्याकडे केले. पदवीधर आणि शिक्षक मतदारसंघातील निवडणुकीच्या अनुषंगाने झालेल्या या भेटीकडे राजकीय वर्तुळाचे लक्ष लागले आहे.
या भेटीप्रसंगी माया गांधी, पृथ्वीराज गांधी, अभिषेक गांधी, पराग शहा, भाजपच्या शहराध्यक्षा रोहिणी तडवळकर, सोलापूर महानगरपालिकेच्या स्थायी समितीच्या सभापती रंजिता चाकोते आणि भाजपच्या सरचिटणीस सुधा अल्लीमोरे यांच्यासह अन्य मान्यवर उपस्थित होते.
