सोलापूर : मराठा समाज सेवा मंडळ संचलित छत्रपती शिवाजी नाईट कॉलेज, सोलापूर येथे इंग्रजी विभागाचे प्रमुख म्हणून कार्यरत असलेले प्रा. डॉ. अरुण मित्रगोत्री यांची प्रभारी प्राचार्यपदी निवड करण्यात आली आहे.त्यांची ही नियुक्ती संस्थेचे अध्यक्ष तथा माजी महापौर मनोहर सपाटे यांच्या हस्ते करण्यात आली.
डॉ. मित्रगोत्री 1989 पासून कॉलेजमध्ये सेवेत असून, शैक्षणिक व प्रशासकीय क्षेत्रातील त्यांचा प्रदीर्घ अनुभव लक्षात घेता ही जबाबदारी त्यांच्यावर सोपवण्यात आली आहे.
या नियुक्तीबद्दल संस्थेचे सरचिटणीस प्रा. महेश माने, सर्व संचालक मंडळ, माजी प्राचार्य डॉ. मधुकर पवार, प्रशालेच्या मुख्याध्यापिका सुजाता जुगदार, प्रा. संध्या परांजपे तसेच सोलापूर कॉलेज कर्मचारी युनियनचे अध्यक्ष दत्ता भोसले यांच्यासह अनेकांनी डॉ. मित्रगोत्री यांचे अभिनंदन करत पुढील कार्यकालासाठी शुभेच्छा दिल्या.
