MH 13 News network
जिल्ह्याचे पालकमंत्री जयकुमार गोरे आज सोलापूर दौऱ्यावर असून त्यांच्या दिवसभराच्या कार्यक्रमात राजकीय, प्रशासकीय आणि विकासकामांचा तगडा अजेंडा पाहायला मिळणार आहे. सकाळपासूनच बैठका आणि पाहण्या यामुळे प्रशासनाची अक्षरशः ‘फुल टाईट’ चाचणी लागणार आहे.
सकाळी ८.३० वाजता शासकीय विश्रामगृहातून भारतीय जनता पार्टीच्या मध्यवर्ती कार्यालयाकडे प्रयाण होईल.
९.०० वाजता भाजपा स्थापना दिनानिमित्त ध्वजारोहण कार्यक्रमास ते उपस्थित राहणार आहेत.
यानंतर जिल्हाधिकारी कार्यालयातील जिल्हा नियोजन भवन येथे महत्त्वाच्या आढावा बैठका पार पडणार आहेत.
दुपारी ११.३० वाजता अरण येथील संत सावता महाराज स्मारक आणि १२.०० वाजता जगतज्योती महात्मा बसवेश्वर स्मारक यांचा आढावा घेतला जाणार आहे.
यानंतर १.०० वाजता जिल्हा परिषदेच्या पदाधिकाऱ्यांसोबत विविध विषयांवर चर्चा होईल, तर १.३० वाजता महानगरपालिकेच्या कामकाजाचा आढावा घेतला जाईल.
दुपारी २.०० वाजता जिल्हाधिकारी, पोलीस आयुक्त, पोलीस अधीक्षक, महानगरपालिका आयुक्त आदी वरिष्ठ अधिकाऱ्यांसोबत जिल्ह्यातील विविध प्रश्नांवर व्यापक चर्चा होणार आहे.
दुपारनंतर ३.०० वाजता पुन्हा शासकीय विश्रामगृहाकडे प्रयाण होईल. सायंकाळी ४.३० वाजता सोलापूर महापालिकेच्या कोटणीस कॉम्प्लेक्स येथे सेवा सुविधा केंद्र इमारत कामाच्या भूमिपूजन समारंभास ते उपस्थित राहणार आहेत.
