MH13 News
सोलापूर, दि. १ ऑगस्ट : लोकशाहीर तथा साहित्यरत्न डॉ. अण्णाभाऊ साठे यांच्या १०६ व्या जयंतीनिमित्त भीमशक्ती सामाजिक संघटना, सोलापूर शहराच्या वतीने अण्णाभाऊ साठे चौक येथे त्यांच्या पूर्णाकृती पुतळ्यास पुष्पहार अर्पण करून अभिवादन करण्यात आले.यावेळी सोलापूर गुन्हे शाखेचे पोलीस निरीक्षक अरविंद माने यांच्या हस्ते पुतळ्यास पुष्पहार अर्पण करण्यात आला. उपस्थितांनी अण्णाभाऊ साठे यांच्या सामाजिक, साहित्यिक आणि परिवर्तनवादी कार्याला अभिवादन करत त्यांच्या समतेच्या विचारांचा वारसा पुढे नेण्याचा संकल्प व्यक्त केला.
कार्यक्रमास भीमशक्ती सामाजिक संघटनेचे शहर कार्याध्यक्ष मनोज (भाईजी) लोंढे, सिद्धार्थ तालीम संघाचे प्रमुख विनोद वाघमारे, रमेश (नाना) लोंढे, संस्थापक महेश लोंढे, अक्षयभैय्या लोंढे, अनिल बनसोडे, उत्सवाध्यक्ष विशाल (बंटी) खंदारे, निखिल पवार, अजय रणदिवे, गणेश वाघमारे, अभिजीत डोलारे, ओम पवार, समीर शेख, विकास रणदिवे, सुजल उडनशिवे, रोहित जाधव, राहुल मुधिनकेरे यांच्यासह संघटनेचे पदाधिकारी, कार्यकर्ते आणि समाजबांधव मोठ्या संख्येने उपस्थित होते.
उत्साहपूर्ण वातावरणात पार पडलेल्या या कार्यक्रमातून साहित्यरत्न अण्णाभाऊ साठे यांच्या विचारांना विनम्र अभिवादन करण्यात आले.
