Video:अहोभाग्य..! भगवान बुद्धांच्या अस्थिकलशाचे सोलापूरकरांना होणार प्रत्यक्ष दर्शन..!

MH 13News Network

दी बुद्धिस्ट सोसायटी ऑफ इंडिय आणि इंडो एशियन मेत्ता फाऊंडेशन इंडिया यांच्या संयुक्त विद्यमाने ऐतिहासिक सोलापूर शहरात प्रथमच तथागत भगवान गौतम बुद्ध यांच्या श्रीलंकेतून अस्थिधातू येणार आहेत, याशिवाय तथागतच्या सद् धम्माचे सरसेनापती प्रमुख शिष्य भंते सारीपुत व महामोग्लायन यांचे अस्थिधातू आणि बोद्धीसत्व डॉक्टर बाबासाहेब आंबेडकर यांचे अस्थिकलश शनिवारी जुना पुना नाका येथे अस्थिकलशाचे आगमन होणार आहे, अशी माहिती अस्थिकलश स्वागत समितीचे प्रमुख उपासक दाजी वाघमारे यानी पत्रकार परिषदेत दिली.

चार हजार वर्षापुर्वी तथागत भगवान गौतम बुद्ध यांचे महापरिनिर्वान झाले, त्या ऐतिहासिक घटनेचे साक्ष देणारी घटना, म्हणजे भगवान गौतम बुद्धाचे अस्थिकलशाचे प्रत्यक्ष दर्शन घेण्याचा योग आहे,अशी प्रतिक्रिया भिक्षुणी धम्मचारनी यानी दिली.

या पत्रकार परिषदेस निर्मला कांबळे, नागसेन माने, दत्ता सिद्धगणेश, शिवपुत्र घटकांबळे, संतोष गायकवाड, मीनाक्षी बनसोडे आदीसह धम्म उपासक, उपासिका उपस्थित होते.