MH 13News Network
श्री गुरु सोमेश्वर आणि श्री गुरु बनसिद्धेश्वर देवदर्शनाने प्रचाराची सुरुवात.
दक्षिण सोलापूर मतदारसंघातील हत्तुर येथील श्रद्धास्थान असलेल्या ग्रामदैवत श्री गुरु सोमेश्वर आणि श्री गुरु बनसिद्धेश्वर या पवित्र ठिकाणी आज शिवसेना (उद्धव बाळासाहेब ठाकरे) पक्ष आणि महाआघाडीच्या दक्षिण सोलापूरच्या प्रचाराचा नारळ फोडला. यावेळी पक्षातील प्रमुख पदाधिकारी, नेते, कार्यकर्ते, तसेच अमर पाटील समर्थक मोठ्या संख्येने उपस्थित होते.
याचेच औचित्य साधून मेळाव्याचे आयोजन करण्यात आले होते.
मेळाव्यात उपस्थित मतदार बंधू भगिनी आणि वडीलधारी यांच्याशी संवाद साधला.
दक्षिण सोलापुरातील प्रश्न सोडवण्यासाठी मतांचा आशीर्वाद देण्याची हाक..!
देव दर्शनाने प्रचाराची सुरुवात केल्यानंतर दक्षिणचे उमेदवार अमर पाटील यांनी दक्षिण तालुक्यातील विकास हा कागदावर झाला आहे. सर्वांगीण विकास होण्यासाठी सक्षम आणि संवेदनशील नेतृत्वाची गरज आहे.आपल्या दक्षिण सोलापूर भागातील प्रश्न सोडवण्यासाठी तसेच सर्वसामान्यांच्या सर्वांगीण विकासासाठी महाविकास आघाडीच्या उमेदवाराच्या पाठीमागे भक्कमपणे उभे राहून आशीर्वादरूपी साथ राहू द्या असे आवाहन केले.
यावेळी काँग्रेसचे जिल्हाध्यक्ष मा. धवलसिंह मोहिते पाटील, श्री.उत्तम प्रकाश खंदारे, श्री.रतिकांत पाटील, सौ.अस्मिता गायकवाड, पुरुषोत्तम बर्डे , गणेश वानकर,अजय दासरी, भीमाशंकर म्हेत्रे, महेश माने, शिवसेना उद्धव बाळासाहेब ठाकरे व महाविकास आघाडीचे सर्व पदाधिकारी व कार्यकर्ते तसेच हत्तुर येथील ग्रामस्थ मोठ्या प्रमाणात उपस्थित होते.
