MH 13 News Network
दक्षिण सोलापूर विधानसभा मतदारसंघातील उद्धव ठाकरे शिवसेना पक्षाचे अधिकृत उमेदवार अमर पाटील यांनी आपला अमर या जवळीक साधणाऱ्या शब्दाने मतदारांशी कनेक्ट होण्याचा मार्ग शोधला आहे. त्यांच्या त्रिसूत्रीची दक्षिणेत चर्चा होत आहे. मॉर्निंग वॉक भेटीगाठी, पदयात्रा, कॉर्नर सभा, होम टू होम प्रचार यंत्रणेला मोठा प्रतिसाद मिळत असल्याचे अमर रतिकांत पाटील यांनी सांगितले.
सलगर वस्ती परिसर, स्वागत नगर येथे मतदारांचा उत्स्फूर्त प्रतिसाद मिळाला आहे .नई जिंदगी परिसरातील कॉर्नर बैठकीत त्यांनी जनसंवाद साधला.सैफुल येथील पदयात्रे नंतर कुमठे गाव येथे कॉर्नर बैठका उत्साहात पार पडल्या.
शांतीनगर, नीलम नगर,विनायक नगर येथील कॉर्नर बैठकीत त्यांनी या भागातील विकासासाठी संधी देण्याचे आवाहन मतदारांना केले. यावेळी महिलांची विशेष उपस्थिती होती.
विजापूर रोडवरील सैफुल परिसरात पदयात्रेवेळी कर्नाटक येथील काँग्रेसचे युवा नेते ध्रुव जत्ती उमेदवार अमर पाटील यांच्यासोबत सामील झाले होते. या पदयात्रेस मोठा प्रतिसाद मिळाला होता.
उमेदवार अमर पाटील यांच्यासोबत सेल्फी घेण्याची क्रेझ..
सर्वसामान्यांचा चेहरा म्हणून अमर पाटील जनतेत मिसळत आहेत. त्यांच्यासोबत सेल्फी घेण्याची क्रेझ युवकांमध्ये निर्माण होत आहे. पदयात्रेत आणि कॉर्नर सभेत त्यांच्यासोबत सेल्फी घेण्यासाठी युवा वर्ग इच्छुक असतो.
आज रविवारी जुळे सोलापुरातील भंडारी ग्राउंडवर आमचे कुटुंब प्रमुख,पक्षप्रमुख उध्दव ठाकरे यांची जाहीर सभा होणार आहे. त्यानंतर पक्षाची मोठी ताकद उभी राहील. वातावरण बदलून परिवर्तन होणार आहे. अशी माहिती अमर पाटील यांनी दिली.
