mh 13 news network
राज्यभरात मोठ्या प्रमाणावर पानावर पनीर तयार केले जात असून त्यामुळे आरोग्याच्या गंभीर समस्या निर्माण झाल्या आहेत. या संदर्भात भाजपचे आमदार विक्रमसिंह पाचपुते यांनी बनावट पनीर घेऊन विधिमंडळात प्रवेश केला. लक्षवेधी मांडून सभागृहाचे लक्ष महत्त्वाच्या प्रश्नाकडे वेधले. यावर अजितदादांनी उत्तर देताना याबाबत समिती निर्माण करण्याचे आश्वासन देऊन कारवाई करण्यात येईल असे सांगितले.
एफडीए संदर्भात लक्षवेधी द्वारे आमदार विक्रमसिंह पाचपुते यांनी विधिमंडळात अध्यक्ष महोदय फक्त सीनियर लोकांना वेळ दिला जातो परंतु आरोग्याच्या गंभीर प्रश्नाकडे दुर्लक्ष केले जाते. आमच्या पदाची काही गरीमा नाही का.? हा प्रश्न उपस्थित केला. यावर अक्कलकोटचे आमदार सचिन कल्याणशेट्टी,शहर मध्यचे आमदार देवेंद्र कोठे आणि इतर सहकारी आमदारांनी पाचपुते यांना साथ दिली.
हा एकट्या माझ्या मतदार संघाचा प्रश्न नाही, संपूर्ण राज्याचा आहे, अशा प्रकारचे बनावट पनीर तयार करून सर्वसामान्य नागरिकांच्या जीवाशी खेळणाऱ्या लोकांवर कडक कारवाई करावी असे त्यांनी सभागृहात सांगितले.
सोलापुरातील बनावट पनीर प्रकरणाचा उल्लेख करून अशा गुन्ह्यात पाच वेळा अटक होऊन सुद्धा सुटका होते ही गंभीर बाब असल्याचे त्यांनी सांगितले.
यावर उपमुख्यमंत्री अजित पवार यांनी हा लोकांच्या जीवाशी खेळ आहे हवा तेवढा निधी उपलब्ध करून देतो असे आश्वासन दिले. संबंधित विभागाच्या अधिकाऱ्यांसोबत अधिवेशन संपायच्या आत बैठक लावून कारवाई करण्याची आश्वासन दिले. प्रसंगी केंद्रांची संमती घेऊन, या विषयाशी संबंधित असलेल्या केंद्राच्या मंत्र्यांना भेटून हा प्रश्न मार्गी लावण्याचे त्यांनी सांगितले.
ज्यांना ज्यांना या विषयाची माहिती आहे त्यांची लवकरच बैठक घेण्याचे आश्वासन देताना विरोधकांनाही सोबत बोलण्यात येईल असे अधिवेशनात सांगितले.
