अक्कलकोट |
प्रवीण गायकवाड यांच्यावर अक्कलकोटमध्ये दौऱ्यावर असताना शिवधर्म फाउंडेशनच्या कार्यकर्त्यांकडून काळं फासून मारहाण करण्यात आल्याची खळबळजनक घटना समोर आली आहे.गायकवाड हे फत्तेसिंह शिक्षण संस्था आणि सकल मराठा समाज आयोजित कार्यक्रमात सहभागी होण्यासाठी आले होते.
कार्यक्रमस्थळी पोहोचताच काही व्यक्तींनी अचानक त्यांच्यावर हल्ला चढवला आणि त्यांच्या चेहऱ्यावर काळं फासलं.ही कारवाई करणारे शिवधर्म फाउंडेशनचे कार्यकर्ते असल्याची माहिती आहे. प्रवीण गायकवाड यांच्या संघटनेच्या नावात छत्रपती संभाजी महाराजांचा एकेरी उल्लेख आणि स्वामी समर्थांविषयी केलेल्या कथित अवमानकारक विधानांमुळे ही संतप्त प्रतिक्रिया दिल्याचे सांगण्यात येते
.घटनेनंतर गायकवाड कारमध्ये बसले होते, मात्र आक्रमक कार्यकर्त्यांनी कारमध्ये घुसून त्यांना मारहाण केली.
इतक्यावरच न थांबता रस्त्यावरही त्यांना मारहाण केल्याची माहिती आहे.या घटनेमुळे अक्कलकोट परिसरात तणाव निर्माण झाला असून पोलीस प्रशासनाने तपास सुरू केला आहे.
