MH 13 NEWS NETWORK
मुंबई – लोकसभेच्या सार्वत्रिक निवडणुकीसाठी मुंबई उपनगर जिल्ह्यातील २८-मुंबई उत्तर पूर्व मतदारसंघात आजपासून अर्ज स्वीकृती प्रक्रियेस सुरुवात झाली. पहिल्या दिवशी दोन उमेदवारांनी अर्ज दाखल केला असल्याची माहिती २८-मुंबई उत्तर पूर्व मतदारसंघाचे निवडणूक निर्णय अधिकारी डॉ. दादाराव दातकर यांनी दिली.
आज उमेदवारी अर्ज दाखल केलेल्या उमेदवारांची नावे अशी : 1 ) मिहीर चंद्रकांत कोटेचा (भारतीय जनता पार्टी, एकूण तीन अर्ज), (2) सुक्ष्मा मोतीलाल मौर्य (अपक्ष, एक अर्ज).
![](https://mh13news.com/wp-content/uploads/2024/04/election3-512x375-1.jpg)
लोकसभा सार्वत्रिक निवडणुकीच्या पाचव्या टप्प्यात मुंबई उपनगर जिल्ह्यात २० मे रोजी मतदान होणार आहे. मुंबई उत्तर पूर्व या लोकसभा मतदारसंघाअंतर्गत 155 – मुलुंड, 156 – विक्रोळी, 157 – भांडुप पश्चिम, 169 – घाटकोपर पश्चिम, 170 – घाटकोपर पूर्व, 171 – मानखुर्द शिवाजीनगर हे विधानसभा मतदारसंघ येतात. या निवडणुकीसाठी 3 मे 2024 ही अर्ज भरण्याची शेवटची तारीख आहे. ४ मे रोजी दाखल अर्जाची छाननी करण्यात येईल, तर उमेदवारी अर्ज मागे घेण्याची शेवटची तारीख ६ मे २०२४ आहे. दिनांक २० मे २०२४ रोजी मतदान सकाळी ७ .०० ते सायंकाळी ६.०० वाजेपर्यंत होणार आहे. ४ जून रोजी मतमोजणीची प्रक्रिया उदयांचल शाळा, गोदरेज संकुल, विक्रोळी येथे करण्यात येणार आहे.
मुंबई उपनगर जिल्ह्यातील 26- मुंबई उत्तर, 27- मुंबई उत्तर पश्चिम आणि 29 –मुंबई उत्तर मध्य या तीनही मतदारसंघात पहिल्या दिवशी एकही उमेदवारी अर्ज दाखल झाला नसल्याची माहिती संबंधित निवडणूक निर्णय अधिकारी यांच्या कार्यालयाने दिली.
000