mh13news network
शहाजी उर्फ अजय सौदागर राऊत (वय 46) यांचे आज पहाटे आकस्मिक निधन झाले. शहरातील केदारनाथ रेसिडेन्सी, मोरारजी पेठ, सोलापूर येथे ते वास्तव्यास होते.
राष्ट्रीय चर्मकार महासंघाचे सोलापूर जिल्हाध्यक्ष तसेच एक प्रतिष्ठित शासकीय कंत्राटदार म्हणून त्यांनी समाजात आपली वेगळी ओळख निर्माण केली होती. लहान वयात कष्टमय जीवन जगत त्यांनी उत्तुंग यश मिळवले.
मनमिळावू स्वभाव, हसतमुख आणि समाजाभिमुख वृत्तीमुळे ते सर्वांच्या मनात घर करून गेले होते.मित्रांमध्ये आबा नावाने ते प्रसिद्ध होते.
राजकीय कारकीर्द सुरू करण्याची त्यांची इच्छा होती. चर्मकार समाजासाठी अनेक महत्त्वपूर्ण कार्य त्यांनी पार पाडले.
त्यांच्यावर सोलापुरातील एका खासगी रुग्णालयात उपचार सुरू असताना आज पहाटे २ वाजता त्यांची प्राणज्योत मालवली.
त्यांच्यामागे आई-वडील, भाऊ, पत्नी, तीन मुली आणि एक मुलगा असा मोठा परिवार आहे.
त्यांच्यावर आज, गुरुवार दिनांक ८ मे रोजी सकाळी ११ वाजता वडवळे (काटेवाडी), राऊत वस्ती, ता. मोहोळ, जि. सोलापूर येथे अंत्यसंस्कार करण्यात येणार आहेत, अशी माहिती नातेवाईकांनी दिली आहे.त्यांच्या निधनाने सामाजिक आणि राजकीय क्षेत्रात हळहळ व्यक्त केली जात आहे.
