माता रमाई भीमराव आंबेडकर यांच्या पुतळ्याच्या प्रारूपात बदलासाठी शिष्टमंडळाची भेट

MH 13 NEWS NETWORK

सोलापूर/ प्रतिनिधी

पुणे येथे आज डॉ. बाबासाहेब आंबेडकर उद्यान, न्यू बुधवार पेठ, सोलापूर येथे उभारण्यात येणाऱ्या माता रमाई भीमराव आंबेडकर यांच्या पुतळ्याच्या प्रारूप (क्ले मॉडेल) ची पाहणी करण्यात आली. यानिमित्त सोलापूर महानगरपालिकेचे अधिकारी व कर्मचारी, भारतरत्न डॉ. बाबासाहेब आंबेडकर मध्यवर्ती जयंती उत्सव व विश्वस्त समितीचे सदस्य तसेच राजाभाऊ सरवदे यांच्या उपस्थितीत शिल्पकार सुभाष आल्हाट यांच्या स्टुडिओमध्ये बैठक पार पडली.

या बैठकीदरम्यान माता रमाई यांच्या चेहऱ्याच्या रचनेत आवश्यक बदल करण्याच्या सूचना देण्यात आल्या. सुधारणांसह अंतिम मॉडेल ‘कला आणि संचलन विभागा’कडे मंजुरीसाठी पाठवले जाणार असल्याची माहिती महापालिकेचे ज्युनिअर इंजिनीअर श्री. प्रशांत गुंड यांनी दिली.