वडाळा, ता. उत्तर सोलापूर | दि. १६ जून २०२५
सामाजिक बांधिलकी जपत वाढदिवस साजरा करण्याचा एक आदर्श उपक्रम वडाळा येथील श्री. जीवन (दादा )साठे यांनी उचलला आहे. आपल्या वाढदिवसानिमित्त त्यांनी जिल्हा परिषद प्राथमिक शाळा, वडाळा येथील विद्यार्थ्यांना वह्यांचे वाटप करून शिक्षणास हातभार लावण्याचा प्रयत्न केला.या उपक्रमाचे सर्व स्तरांतून कौतुक होत आहे.
विद्यार्थ्यांना शिक्षणात मदत व्हावी, त्यांना प्रेरणा मिळावी, या उद्देशाने हा उपक्रम राबविण्यात आला. या वेळी शाळेच्या वतीने जीवन दादा यांचा पुष्पगुच्छ व सन्मानचिन्ह देऊन सत्कार करण्यात आला.
जीवन दादा साठे हे एक उत्कृष्ट संघटक असून सामाजिक जाणिवेतून नेहमीच विविध उपक्रमांचे आयोजन करतात.
या वेळी बोलताना त्यांनी सांगितले, “शिक्षणाशिवाय पर्याय नाही. मुलांनी शिकून मोठे व्हावे, गावाचे नाव उज्वल करावे, यातच खरा आनंद आहे. त्यामुळे अशा उपक्रमांतूनच माझा वाढदिवस साजरा करण्याचा निर्णय घेतला.”
या कार्यक्रमाला मुख्याध्यापिका श्रीमती राऊत , शिक्षकवृंद तसेच अनेक ग्रामस्थ उपस्थित होते. मुख्याध्यापिकांनी श्री. साठे यांच्या उपक्रमाचे कौतुक करत आभार मानले.
या उपक्रमामुळे विद्यार्थ्यांमध्ये आनंदाचे वातावरण पाहायला मिळाले असून ग्रामस्थांमध्येही समाधान व्यक्त होत आहे.
#वाढदिवस_सेवा_समर्पित #शिक्षणासाठी_वह्या #जीवनदादा_साठे #समाजशील_उपक्रम #ZPशाळा_वडाळा #सोलापूरन्यूज
