🏏 उन्हाळ्यात क्रिकेटची धमाल; विहान क्रिकेट अॅकॅडमीचे प्रशिक्षण शिबिर सुरू..

MH 13 news नेटवर्क

सोलापूर | प्रतिनिधी
उन्हाळी सुट्टीत क्रिकेटची आवड जोपासणाऱ्या मुला-मुलींसाठी विहान क्रिकेट अॅकॅडमीच्या वतीने शहरातील इंदिरा गांधी पार्क स्टेडीयम येथे विशेष उन्हाळी प्रशिक्षण शिबिराचे आयोजन करण्यात आले आहे. १० एप्रिल ते १० जून या कालावधीत हे शिबिर चालणार असून प्रवेश प्रक्रिया सुरू झाली आहे.

या शिबिरात ६ वर्षांवरील मुलांसह मुलींनाही प्रशिक्षणाची संधी देण्यात येणार आहे. अनुभवी प्रशिक्षक योगेश कोंपल यांच्या मार्गदर्शनाखाली खेळाडूंना बेसिक क्रिकेटपासून ते मॅच प्रॅक्टीसपर्यंत सखोल प्रशिक्षण दिले जाणार आहे. कोंपल यांनी महाराष्ट्र रणजी ट्रॉफी कॅम्प तसेच सोलापूर जिल्हा वरिष्ठ संघाचे प्रतिनिधित्व केले असून त्यांना तब्बल १५ वर्षांचा कोचिंग अनुभव आहे.

अॅकॅडमीमध्ये आधुनिक क्रिकेट साहित्य, टर्फ विकेट तसेच फिटनेसवर विशेष लक्ष देणारी प्रशिक्षण पद्धती उपलब्ध करून देण्यात आली आहे. त्यामुळे खेळाडूंच्या सर्वांगीण विकासावर भर दिला जाणार असल्याचे आयोजकांनी सांगितले.

प्रशिक्षणासाठी सकाळी ७ ते ९ आणि सायंकाळी ४ ते ६.३० अशा दोन बॅचेस ठेवण्यात आल्या आहेत. शिबिराची फी ३,००० रुपये निश्चित करण्यात आली आहे.

क्रिकेटमध्ये करिअरची सुरुवात करू इच्छिणाऱ्या तरुणांसाठी ही संधी म्हणजे “नेट प्रॅक्टीसपेक्षा थेट मॅचमध्ये एन्ट्री”चं तिकीट ठरू शकते, असे चित्र सध्या दिसत आहे.