🏏 विहान क्रिकेट अकॅडमीचे उन्हाळी शिबिर व वर्धापन दिन उत्साहात..

MH13NEWS network

सोलापूर | प्रतिनिधी
सोलापूर शहरातील अनुभवी क्रिकेट प्रशिक्षक योगेश कोंपल यांच्या विहान क्रिकेट अकॅडमीच्या वतीने आयोजित उन्हाळी प्रशिक्षण शिबिर आणि ७ वा वर्धापन दिन इंदिरा गांधी स्टेडियम येथे मोठ्या उत्साहात पार पडला. शुक्रवारी दि. 10 एप्रिल रोजी सायंकाळी करण्याचे आयोजन करण्यात आले होते.

कार्यक्रमाला अध्यक्ष श्रीकांत घाडगे, पत्रकार सागर सुरवसे, पत्रकार महेश हणमे, माजी रणजी खेळाडू प्रवीण देशट्टी तसेच पोलीस अधिकारी गवळी आदी मान्यवर उपस्थित होते. मान्यवरांच्या हस्ते उन्हाळी प्रशिक्षण शिबिराचे उद्घाटन करण्यात आले. यावेळी अकॅडमीचे प्रशिक्षक योगेश कोंपल व खेळाडू मोठ्या संख्येने उपस्थित होते.

वर्धापन दिनानिमित्त क्रिकेट साहित्यांची विधिवत पूजा करण्यात आली. तसेच अकॅडमीच्या नव्या टी-शर्टचे अनावरणही मान्यवरांच्या हस्ते करण्यात आले.

कार्यक्रमादरम्यान उपस्थित मान्यवरांनी खेळाडूंना मार्गदर्शन करत मेहनत, शिस्त आणि सातत्य यांचे महत्त्व अधोरेखित केले. “फक्त नेटमध्ये नाही, मैदानावरही स्वतःला सिद्ध करा,” असा मोलाचा सल्ला त्यांनी दिला.
कार्यक्रमाची सांगता मिठाई वाटप व केक कापून आनंदात करण्यात आली. संपूर्ण वातावरणात क्रीडाप्रेम, उत्साह आणि एकात्मतेचा सुंदर संगम पाहायला मिळाला.