MH 13 News Network
विधानसभा निवडणुकीचे रणशिंग फुंकले गेले असून उद्या सोमवार 4 नोव्हेंबरपासून शहर मध्य मधील महायुतीचे उमेदवार देवेंद्र कोठे यांच्या पदयात्रेचा आरंभ होत आहे. माय माऊलींच्या आशीर्वादासाठी लाडका दादा येतोय अशी भावनिक साद कोठे यांनी घातली आहे.
यंदाच्या विधानसभा निवडणुकीत तगडी फाईट होणार असून उपमुख्यमंत्री देवेंद्र फडणवीस यांचे निकटवर्तीय समजले जाणारे देवेंद्र कोठे यांना मध्य विधानसभा मतदारसंघात भाजपाकडून उमेदवारी देण्यात आली आहे.
उद्या सोमवार (4 नोव्हेंबर) रोजी प्रभाग क्रमांक 9 मधील दाजी गणपती पासून पदयात्रेचा प्रारंभ होणार असल्याची माहिती देवेंद्र कोठे यांनी माध्यमांशी बोलताना दिली.
असा आहे पदयात्रेचा मार्ग..!
उद्या सकाळी दहा वाजता पदयात्रेस सुरुवात होणार असून दाजी गणपती, फलमारी झोन परिसर, मार्कंडेय रुग्णालय, साईबाबा मंदिर मागील परिसर, राम मंदिर परिसर,जमखंडी पूल, जिजामाता दवाखाना, जेलरोड परिसर, श्रीनिवास टॉकीज समोर ,बालाजी मंदिर ,वेंकटेश नगर झोन परिसर, त्रिशक्ती मंडळ ,कुचन नगर परिसर दत्तनगर मेन रोड ,दत्तनगर परिसर गिरी झोपडपट्टी, संयुक्त झोपडपट्टी, विव्हको प्रोसेस असा पदयात्रेचा मार्ग असणार आहे.
महायुतीच्या सर्वपक्षीय पदाधिकाऱ्यांनी, कार्यकर्त्यांनी उपस्थित राहण्याचे आवाहन उमेदवार देवेंद्र कोठे यांनी केले आहे.
पहाट गाण्याला पूर्व भागातील स्त्री-पुरुषांचा मोठा प्रतिसाद..
आज भाऊबीजेच्या निमित्ताने पूर्व भागातील नागरिकांसाठी पहाट गाण्यांचा कार्यक्रम घेण्यात आला होता. यामध्ये तेलगू आणि हिंदी भक्ती गीत आणि भावगीतांचा समावेश केला गेला होता. या कार्यक्रमास स्त्री-पुरुष मोठ्या संख्येने उपस्थित होते.
या कार्यक्रमाच्या माध्यमातून देवेंद्र कोठे यांनी परिसरातील नागरिकांच्या भेटीगाठी घेऊन जनसंवाद साधला.
