MH 13 NEWS NETWORK
दक्षिण सोलापूर विधानसभा मतदारसंघातील होटगी, आहेरवाडी व इतर गावांमध्ये मा. अमर रतिकांत पाटील यांच्या प्रचार सभेला प्रचंड जनसमुदाय उपस्थित होता. सभेला माजी आमदार आदरणीय रविकांत पाटील यांची विशेष उपस्थिती होती. या वेळी त्यांनी नागरिकांना आवाहन केले की, “चुकीच्या आणि खोट्या भूलथापांना बळी न पडता, अमर पाटील यांच्यासाठी एकत्रित उभे राहा आणि त्यांना मोठ्या लीडने विजयी करा.
“
मा. रविकांत पाटील यांनी कार्यकर्त्यांना एकत्र येऊन विकास साधण्यासाठी प्रोत्साहित केले. “आपल्या भागाचा विकास, रोजगाराच्या संधी, शेतमालाला योग्य हमीभाव, गुंडगिरीचा अंत, तसेच उत्तम दळणवळण व्यवस्था फक्त अमर पाटील यांच्या नेतृत्वाखाली शक्य आहे,” असे त्यांनी ठामपणे सांगितले.
कार्यक्रमादरम्यान अमर पाटील यांनी गावागावातील नागरिकांशी थेट संवाद साधला आणि त्यांच्या अडचणी समजून घेतल्या. “आपल्या सर्वांच्या पाठिंब्याने दक्षिण सोलापूरच्या प्रगतीसाठी आम्ही कटिबद्ध आहोत,” असे त्यांनी सांगितले. या सभेतून दक्षिण सोलापूरच्या विकासाचा मार्ग सुकर होईल, असा विश्वास नागरिकांनी व्यक्त केला.
