बंजारा समाज, कोळी आणि ब्राह्मण समाजाने केला आ. देशमुख यांना निवडून आणण्याचा निर्धार

MH 13 NEWS NETWORK

सोलापूर
दक्षिण तालुक्याचे महायुतीचे उमेदवार आ. सुभाष देशमुख यांना विविध समाजाचा पाठिंबा मिळत आहे. कोळी समाज, बहुरूपी समाजानंतर आता बंजारा समाज आणि कोळी तसेच ब्राह्मण समाजाने आ. देशमुख यांना पाठिंबा देत निवडून आणण्याचा निर्धार केला आहे.
संत सेवालाल महाराज मंदिर येथे समस्त बंजारा समाजातील पंच कमिटी, भागातील नगरसेवक व प्रमुखांच्या उपस्थितीत बैठकीचे आयोजन आयोजन करण्यात आलेले होते. यामध्ये हा निर्णय घेण्यात आला. त्यानंतर दक्षिण तालुक्यातील शहरी भागातील नेहरूनगर, कमला नगर, वसंतराव नाईक नगर येथील समस्त बंजारा समाजाने आ. देशमुख यांची भेट घेतली. आ. देशमुख यांनी आजपर्यंत नेहरूनगर, कमला नगर व वसंतराव नाईक नगर परिसरात अनेक विकासकामे केली आहेत. आ. देशमुख हे राजकारणाबरोबरच समाजकारणही करतात. त्यांना विधानसभेत पाठवणे आवश्यक आहे, असे म्हणत पदाधिकार्‍यांनी आ. देशमुख यांना निवडून आणण्याचा निर्धार केला. कोळी समाजाच्या पदाधिकाऱ्यांनी मनीष देशमुख आणि रोहन देशमुख यांची भेट घेऊन त्यांना पाठिंबाचे पत्र दिले यावेळी अध्यक्ष संतोष गायकवाड, श्रीरंग येळवे पोपट माळी यांच्यासह पदाधिकारी उपस्थित होते. ब्राह्मण समाजाची बैठक टाकळीकर मंगल कार्यालय येथे पार पडली यावेळी समस्त ब्राह्मण समाजाने आमदार देशमुख यांना सलग तिसऱ्यांदा निवडून आणण्याचा निर्धार केला यावेळी आमदार सुभाष देशमुख उपस्थित होते. व्यासपीठावर उत्तराधि मठाचे बीजी कुलकर्णी, वधू वर मंडळ प्रणेते डी डी कुलकर्णी, राम तडवळकर अनिता कुलकर्णी, श्रीकांत कुलकर्णी, BBN संघटक प्रमोद तमन्नावर उपस्थित होते. भाजपा नेते दैदिप्य वडापुरकर यांनी सुरुवातीला आपले मनोगत व्यक्त केले. रोहिणी तडवळकर यांनी कार्यक्रमाचे प्रास्ताविक केले तर श्री प्रमोद तमन्नावर यांनी आभार प्रदर्शन केले.यावेळी पाठिंब्याबद्दल आ. देशमुख यांनी सर्वांचे आभार मानले.