जिल्हा परिषद आवारात छत्रपती शिवाजी महाराजांचा भव्य अश्वारूढ पुतळा उभारावा ही इच्छा इंद्रजीत पवार
सोलापूर | प्रतिनिधी
सोलापूर जिल्हा परिषदेच्या प्रशासकीय इमारतीच्या आवारात छत्रपती शिवाजी महाराजांचा भव्य अश्वारूढ पुतळा उभारावा अशी इच्छा असल्याची माहिती जिल्हा परिषद उपाध्यक्ष तथा अर्थ व बांधकाम समितीचे सभापती इंद्रजीत पवार यांनी दिली.याबाबत बोलताना पवार म्हणाले की, जिल्हा परिषद ही सोलापूर जिल्ह्याच्या ग्रामीण भागातील नागरिकांसाठी महत्त्वाचे प्रशासकीय केंद्र आहे. विविध विकासकामे, ग्रामपंचायतीशी संबंधित कामे तसेच अन्य प्रशासकीय कामांसाठी दररोज जिल्ह्यातील अनेक तालुक्यांतून ग्रामस्थ, लोकप्रतिनिधी आणि अधिकारी येथे येत असतात.
अशा मध्यवर्ती आणि महत्त्वाच्या ठिकाणी छत्रपती शिवाजी महाराजांचा भव्य अश्वारूढ पुतळा उभारण्यात आल्यास जिल्हा परिषद परिसराची ऐतिहासिक ओळख अधिक भक्कम होईल, तसेच परिसराच्या वैभवात भर पडेल, असा विश्वास त्यांनी व्यक्त केला.या संकल्पनेच्या पूर्ततेसाठी वरिष्ठांच्या मार्गदर्शनाखाली आवश्यक पाठपुरावा आणि प्रयत्न सुरू असल्याचेही इंद्रजीत पवार यांनी सांगितले.
Zilla Parishad Solapur Solapur Municipal Corporation, Solapur CMOMaharashtra
