सोलापूर –
आज सोलापुरातील दक्षिण सोलापूर भागातील दुचाकीवरून जाणाऱ्या तिघांचा एका अज्ञात अवजड वाहनाने धडक दिल्याने मृत्यू झाल्याची घटना समोर आली आहे.
धोत्री ते मुस्ती रस्त्यावर एक दुचाकीस (MH-13-DJ-5466) अनोळखी डंपरने उडवून दिल्यामुळे तिघे बिगारी कामगार जागीच ठार झाले. एकाच गाडीवरून हे तिघेजण प्रवास करत होते.
ही घटना अत्यंत हृदयद्रावक असून मृत व्यक्ती हे सर्वजण मुस्ती गावातील रहिवासी असल्याचे समजते.आज सकाळी साधारण साडे आठ वाजता अपघात झाल्याची माहिती समोर आली आहे.
एका अज्ञात वाहनाने जोरदार धडक दिल्याने तिघांचा मृत्यू झाला असल्याची माहिती मिळाली आहे.
मृत व्यक्तींची नावे पुढीलप्रमाणे: • देविदास दुपारगुडे, वय 40 वर्षे • नितीन वाघमारे, वय 35 वर्षे • हनुमंत राठोड, मुस्ती तांडा, वय 40 वर्षे
अपघातानंतर तिघांना सोलापुरातील सिव्हिल हॉस्पिटल मध्ये दाखल करण्यात आले असून डॉक्टरांनी त्यांना मृत घोषित केले. अपघातानंतर डंपरचालक पळून गेला असून, पोलिस तपास सुरू आहे.
मृत व्यक्ती मजुरी करून आपला उदरनिर्वाह करत होते, आणि त्यांच्या जाण्यामुळे कुटुंबांवर दुःखाचा डोंगर कोसळला आहे.
