सराईत गुन्हेगार नितीन उर्फ निखिल कांबळे स्थानबद्द

सोलापूर : शहरातील विजापूर नाका,सदर बझार, एम आय डी सी आणि सलगर वस्ती पोलिस ठाणे हद्दीत जबरी चोरी घरफोडी व मोटरसायकल चोरी करणाऱ्या सराईत गुन्हेगाराला पोलिस आयुक्त एम राजकुमार यांनी दणका दिला असून एम पी डी ए कायदा अनन्वये स्थानबद्द केले आहे. नितीन उर्फ निखिल मारुती कांबळे (वय ३३. रा. भीम नगर,सोरेगाव सोलापूर ) असे स्थानबद्ध केलेल्या आरोपीचे नाव आहे.पोलिसांनी दिलेल्या माहितीनुसार, आरोपी नितीन उर्फ निखिल मारुती कांबळे याच्यावर मागील काही वर्षापासून घातक शस्त्राचा वापर करून गैर कायद्याने मंडळी जमवणे, मारामारी करणे, दगडफेक करणे,खंडणी मागणे, जबरी चोरी, घरफोडी, मोटरसायकल चोरी, विनयभंग करणे,धमकी देणे,दुखापत करणे साथीदारासह अवैध आर्थिक फायदा जमविणे अशा गंभीर स्वरूपाचे २० गुन्हे दाखल असून त्याच्या दहशतीमुळे सामान्य नागरीक,व्यापारी तक्रार देण्यासाठी पुढे येत नव्हते. त्याच्या वाढत्या गुन्हेगारीला आळा घालण्यासाठी २०२० आणि २०२१ मध्ये त्यास तडीपार आणि २०२२ मध्ये स्थान बद्दची कारवाई करण्यात आली होती.मात्र प्रतिबंधात्मक कारवाई करूनही त्याच्यात सुधारणा न झाल्याने त्याच्याविरोधात पोलिस आयुक्त एम राजकुमार यांनी पुन्हा स्थानबद्धतेची कारवाई केली आहे असे सांगण्यात आलंय.या आरोपीची येरवडा कारागृह पुणे येथे रवानगी करण्यात आली आहे.