जैन गुरुकुलचा “दिग्विजय” ! राज्यस्तरीय स्पर्धेत द्वितीय..

MH13News Network

जैन गुरुकुलचा दिग्विजय सुरवसे साने गुरुजी प्रेरणा प्रकल्प राज्यस्तरीय स्पर्धेत द्वितीय

सोलापूर – राष्ट्रसेवा दल आणि अन्नपूर्णा परिवार यांच्या संयुक्त विद्यमाने साने गुरुजी यांच्या १२५ व्या जयंतीनिमित्त साने गुरुजी प्रेरणा प्रकल्प राज्यस्तरीय स्पर्धा पुणे येथे संपन्न झाली. यामध्ये श्री दिगंबर जैन गुरुकुल प्रशालेचा नववीच्या विद्यार्थी दिग्विजय शक्तीसागर सुरवसे याने राज्यस्तरावर द्वितीय क्रमांक मिळविले.

त्याला सन्मानचिन्ह व रोख ७००० रुपये बक्षीस देऊन गौरविण्यात आले. शाळेला या स्पर्धेत भाग घेतल्याबद्दल द्वितीय क्रमांकाचे पारितोषिक देण्यात आले. त्याला प्रशालेतील सहशिक्षक मिलिंद खोबरे व विकास शिळ्ळे यांचे मार्गदर्शन लाभले.

यशस्वी विद्यार्थी व त्याला मार्गदर्शन करणाऱ्या शिक्षकांचे संस्थेचे मानद सचिव डॉ. रणजित गांधी व सर्व विश्वस्त, मुख्याध्यापक राजकुमार काळे, उपमुख्याध्यापक शैलेश पांगळ, पर्यवेक्षक प्रवीण कस्तुरे व सर्व शिक्षक-शिक्षकेतर कर्मचारी यांनी अभिनंदन केले.