MH 13 News Network
सोलापूर जिल्ह्यातील माढा विधानसभा मतदारसंघ येथील उमेदवारी मधली चुरस वाढली आहे. अनेक दिग्गज माढा मतदारसंघातून इच्छुक आहेत. माढा नगरपंचायतीच्या नगराध्यक्ष ॲड. मीनल साठे उद्या उमेदवारी अर्ज भरणार आहेत. यावेळी त्यांच्या समवेत लाडक्या बहिणींची रॅली असणार आहे. हेच या रॅलीचे वैशिष्ट्य ठरेल.
माढा नगरपंचायत नगराध्यक्ष ॲड मीनल साठे उद्या सोमवारी सकाळी दहा वाजता माढेश्वरी मंदिरात जाऊन देवीचे दर्शन घेणार आहेत. त्यानंतर अनेक महिलांच्या सोबत रॅली काढण्यात येणार असून या शक्ती प्रदर्शनानंतर उमेदवारी अर्ज भरण्यात येणार आहे.अशी माहिती मीनल साठे यांनी माध्यमांशी बोलताना दिली.
असा आहे उमेदवारी अर्ज दाखल रॅलीचा मार्ग
माढेश्वरी मंदिर ते तहसील कार्यालय असा रॅलीचा मार्ग असणार आहे. तर जगदाळे मंगल कार्यालय येथे जाहीर सभा होणार असून त्या ठिकाणी जनतेशी त्या संवाद साधणार आहेत.
अभ्यासू, संवेदनशील, सामाजिक बांधिलकी जपणारे महिला नेतृत्व म्हणून त्यांच्याकडे पाहिले जाते. माढा तालुक्यातील साठे कुटुंब हे सर्वसामान्यांसाठी कार्य करणारे प्रस्थ मानले जाते. माजी आमदार धनाजी साठे यांच्या त्या सून आहेत. त्यांचे पती दादासाहेब साठे हे साखर कारखान्याचे संचालक आहेत.
