सोलापूर, दि. ७ ऑगस्ट – मराठा आरक्षणासाठी संघर्षाची हाक देणारे मनोज जरांगे पाटील बुधवारी सोलापूर दौऱ्यावर असताना ज्येष्ठ मराठा समन्वयक आणि महापालिकेचे माजी परिवहन सभापती राजन जाधव यांच्या निवासस्थानी सदिच्छा भेटीसाठी पोहोचले.
जाधव यांच्या मातोश्री सगुणाबाई जाधव यांच्या निधनानंतर त्यांना श्रद्धांजली अर्पण करण्यासाठी आणि कुटुंबीयांचे सांत्वन करण्यासाठी धरमशी लाईन येथील त्यांच्या घरी त्यांनी भेट दिली.
कैलासवासी सगुणाबाईंच्या प्रतिमेस पुष्पहार अर्पण करून मनोज जरांगे पाटील यांनी भावपूर्ण श्रद्धांजली वाहिली.यावेळी त्यांनी जाधव कुटुंबातील सदस्यांशी संवाद साधत त्यांची आस्थेने विचारपूस केली.
या प्रसंगी अमोल शिंदे, माऊली पवार, शेखर जाधव, विक्रांत जाधव, अक्षय जाधव, श्रीधर काळे, सचिन साळुंके यांच्यासह जाधव कुटुंबातील सदस्य उपस्थित होते.
