सोलापूरमध्ये गर्भवती विवाहितेची आत्महत्या: सासरच्या छळाला कंटाळून टोकाचं पाऊल
मोहोळ (सोलापूर) | प्रतिनिधी
वैष्णवी हगवणे आत्महत्येच्या धक्क्यातून राज्य सावरत असतानाच, सोलापूर जिल्ह्यातील मोहोळ तालुक्यात आणखी एक हृदयद्रावक घटना समोर आली आहे. सासरच्या मानसिक व आर्थिक छळाला कंटाळून आशाराणी भोसले (वय वर्षे 22 ) या तीन महिन्यांच्या गर्भवती विवाहितेने गळफास लावून आत्महत्या केल्याची दुर्दैवी घटना उघडकीस आली आहे.ही घटना मोहोळ तालुक्यातील चिंचोलीकाटी गावात घडली असून, मृत महिलेच्या पतीसह सासू आणि सासऱ्याविरोधात मोहोळ पोलिस ठाण्यात गुन्हा दाखल करण्यात आला आहे.
चारचाकी आणि पैशाच्या हव्यासामुळे छळ?
मिळालेल्या प्राथमिक माहितीनुसार, आशाराणी हिला सासरच्यांकडून चारचाकी गाडी व पैशांसाठी सतत त्रास दिला जात होता.अशी माहिती मिळाली आहे.
या सततच्या मानसिक छळाला कंटाळून तिने अखेर टोकाचं पाऊल उचललं.
पोलिसांनी नोंदवला गुन्हा
आशाराणीच्या आत्महत्येनंतर तिच्या कुटुंबीयांनी सासरच्यांवर गंभीर आरोप केले आहेत. त्यानुसार पोलिसांनी भारतीय दंड संहितेच्या संबंधित कलमांतर्गत पती, सासू व सासऱ्याविरोधात गुन्हा दाखल केला आहे.
सामाजिक जागृतीची गरज..
सतत घडणाऱ्या अशा घटनांमुळे पुन्हा एकदा हुंडा प्रथा, महिलांवरील छळ व मानसिक अत्याचाराचा मुद्दा ऐरणीवर आला आहे. या पार्श्वभूमीवर महिलांच्या हक्कासाठी ठोस पावले उचलण्याची गरज आहे.
