mh 13 news network
महाप्रबंधक बी. जे. सी. शास्त्री यांची संग्रहालयास भेट; आयुक्त डॉ. ओम्बासे यांच्याशी सकारात्मक चर्चा
सोलापूर | प्रतिनिधी
NTPC थर्मल पॉवर प्रकल्पाच्या सी.एस.आर. (CSR) निधीतून सोलापूर शहरातील महत्त्वाच्या प्रकल्पांना सहकार्य करण्यासंदर्भात हालचाली सुरू झाल्या असून, याच अनुषंगाने NTPC चे महाप्रबंधक व कार्यकारी संचालक श्री बी. जे. सी. शास्त्री यांनी आज महात्मा गांधी प्राणी संग्रहालयास भेट दिली.
यावेळी सोलापूर महानगरपालिकेचे आयुक्त डॉ. सचिन ओम्बासे यांनी यापूर्वी देगाव येथील 75 एम. एल. डी. मलनिसारण केंद्र आणि प्राणी संग्रहालयासाठी सी.एस.आर. निधीतून सहकार्याची विनंती करत पत्र दिले होते. त्या पाठपुराव्याच्या अनुषंगाने ही भेट घेण्यात आली.
संग्रहालय भेटीदरम्यान डॉ. सतीश चौगुले यांनी प्रकल्पाची सविस्तर माहिती सादर केली. यावेळी NTPC चे मनोरंजन सारंगी, रफिक उल इस्लाम, अमित सिंग, तसेच महापालिकेचे सहायक आयुक्त गिरीष पंडित, नगर अभियंता सारिका आकूलवार, अंतर्गत लेखा परीक्षक राहुल कुलकर्णी आदी उपस्थित होते.
यानंतर श्री शास्त्री यांनी महापालिका मुख्यालयात आयुक्त डॉ. ओम्बासे यांची भेट घेऊन CSR निधीमधून महात्मा गांधी प्राणी संग्रहालयास सहकार्य करण्याचा सकारात्मक शब्द दिला. या पुढाकारामुळे संग्रहालयाच्या सुविधांमध्ये लवकरच सुधारणा होण्याची शक्यता आहे.
