MH 13 News
युनिफॉर्म गारमेंट पार्कसोबतच एक कॉमन मार्केटिंग सेंटर उभाराः राज्यपाल राधाकृषणन्
आमदार सुभाष देशमुख यांच्या अध्यक्षतेखाली युनिफॉर्म गारमेंट मनुफॅक्चर असोसिएशनची बैठक सोलापूर (प्रतिनिधी) देशातील पहिल्या युनिफॉर्म गारमेंट पार्क सोबतच एक कॉमन मार्केटिंग सेंटर उभारा. आपण स्वतः मुख्यमंत्र्सोबत बैठक लावू आणि आपण प्रयत्न करू असे आश्वासन राज्यपाल सी. पी. राधाकृषणन् यांनी दिले. राज्यपाल शुक्रवारी सोलापूर दौर्‍यावर असताना आ. सुभाष देशमुख यांच्या अध्यक्षतेखाली त्यांनी खास सोलापूर मनुफॅक्चरर गारमेंट असोसिएशनच्या पदाधिकार्‍यांची बैठक घेतली.
त्यात सोलापूर यूनिफॉर्म गारमेंट उद्योगाबाबत चर्चा केली. बेंगलोर येथील युनिफॉर्म गारमेंट फेअरचे यशस्वीरित्या आयोजन केल्याबद्दल त्यांनी कौतुक केले.
उद्योग वाढीसोबतच त्यातील बारकावे म्हणजे नवीन नवीन टेक्नॉलॉजी आत्मसात करून उत्पादन कसे वाढवता येईल आणि त्याचे विक्री कशी करता येईल यासंदर्भात त्यांनी मार्गदर्शन केले. गारमेंट उद्योगाला लागणार्‍या स्किल्ड लेबर, आणि मशिन रिपेअर करणारे लेबर तयार करण्याकरिता सोलापूर युनिव्हर्सिटीमध्ये सोलापूर युनिफॉर्म गारमेंट असोसिएशन सोबत टाईप करून त्याचे नियोजन कसे करता येईल यावरही विचार झाला आणि तसे निर्देश त्यांनी जिल्हाधिकार्‍यांना दिले.
यावेळी जिल्हाधिकारी कुमार आशीर्वाद, आमदार सुभाष देशमुख, सोलापूर युनिव्हर्सिटीचे कुलगुरू, प्रताप महानवर यांच्यासह असोसिएशनचे अध्यक्ष निलेश शहा, अमित जैन, प्रकाश पवार, रमेश डाकलिया, वेंकटेश मेंगजी ,रोहन बंकापूर आदी उपस्थित होते. चौकट सोलापूर युनिफॉर्म हब व्हावे इतके चांगले युनिफॉर्मचे उत्पादन सोलापुरात आहेत. त्यामुळे सोलापूर युनिफॉर्म हब व्हावे व वेगवेगळ्या दर्जाचे आणि वेगवेगळ्या क्षेत्रातील युनिफॉर्म कसे बनवता येईल व त्याचे मार्केटिंग कसे करता येईल, याचा विचार व्हावा, अशी अपेक्षा राज्यपालांनी व्यक्त केली.
