MH 13 News Network
बीड जिल्ह्यातील मस्साजोग गावात एक काळजाला हादरवून टाकणारी घटना घडली…
गावाचे सरपंच संतोष देशमुख यांची निर्घृण हत्या झाली. एका कुटुंबाचे आधारस्तंभ काळाच्या पडद्याआड गेले. पण त्यांच्या मृत्यूनंतर त्यांची लहानगी कन्या वैभवी देशमुख याने जे केलं, ते फक्त एक ‘बेटी’च करू शकते.
वडिलांच्या मृत्यूचा धक्का अजूनही ताजा असतानाही वैभवी डगमगली नाही. बापासाठी न्याय हवा होता… आणि तो न्याय मिळवण्यासाठी ती महाराष्ट्रभर फिरली. आंदोलनं केली, मंत्र्यांच्या दारात उभी राहिली, न्यायाची भीक मागितली नाही – न्यायाचा आग्रह धरला.
बीड जिल्ह्यातील मस्साजोग गावात एक काळीज फाडणारी घटना घडली. गावचे सरपंच संतोष देशमुख यांची निर्घृण हत्या झाली. एका संपूर्ण कुटुंबावर आभाळ कोसळलं. घरातील माणूसच नव्हे, तर संपूर्ण गावाचा आधार हरवला होता.पण त्या अंधारातून प्रकाश शोधत होती त्यांची कन्या – वैभवी देशमुख.
वडिलांच्या मृत्यूने हादरलेल्या घरात डोळे पुसायला आई होती, पण खंबीर होऊन न्यायासाठी रस्त्यावर उतरण्याचं धैर्य फक्त वैभवीने दाखवलं.
वयाच्या अवघ्या १७व्या वर्षी ती कोर्टात गेली, मंत्र्यांच्या दारात गेली, आंदोलनं केली. रात्र रात्र जागून बापाच्या आठवणींसोबत अभ्यास केला.कारण तिला माहिती होतं – शिक्षणच ती तलवार आहे, जी अन्यायाविरुद्ध लढण्याची खरी ताकद देते.आणि आज तिच्या त्या कष्टाला फळ मिळालंय. १२वीच्या परीक्षेत ८५.३३ टक्के गुण मिळवत तिने सिद्ध केलं –
बापाचं स्वप्न आता तिच्या नजरेत आहे.
परीक्षेच्या दिवशी तिच्या डोळ्यांत अश्रू होते, पण ती परीक्षा बघायला नव्हे – बापाला अभिमान वाटावा म्हणून बसली होती.सर्वसामान्य परिस्थिती नव्हती – घरात शोक, बाहेर आंदोलन, आणि मनात वेदना.
पण तरीही तिने पुस्तकं हातात घेतली. अभ्यास करत राहिली.धनंजय देशमुख, तिचे चुलते, तिच्या पाठीशी ठाम उभे राहिले. त्यांची साथ आणि वैभवीची जिद्द –
या दोघांनी मिळून न्यायासाठी जो लढा उभारला, तो आता फक्त एका गुन्ह्याविरोधातला नाही, तर हजारो मुलींसाठी एक प्रेरणा बनला आहे.
आज वैभवी म्हणजे ‘संतोष देशमुख यांची मुलगी’ इतकंच नव्हे, तर ‘न्यायासाठी लढणारी, शिक्षणासाठी झगडणारी आणि अनेकांच्या डोळ्यांत आशेचा किरण देणारी एक दिवा’ आहे.
हीच वैभवी यंदा बारावीमध्ये होती. ज्या वर्षी वडिलांचा खून झाला, त्याच वर्षी परीक्षा होती. अश्रू, आठवणी, कोर्टकचेऱ्या, आंदोलनं – या सगळ्यातून वेळ काढून ती अभ्यास करत राहिली. आणि अखेर निकालात 85.33 टक्के गुण मिळवत तिने सिद्ध केलं – “बापाचं स्वप्न अपुरं राहू देणार नाही.”
आज वैभवी देशमुख केवळ एका हत्येच्या विरोधात लढणारी मुलगी नाही, ती एक प्रेरणा आहे. अन्यायाविरुद्ध लढण्याचं आणि शिक्षणाच्या ताकदीवर उभं राहण्याचं जिवंत उदाहरण.
