आशीर्वाद ग्रामदैवतांचा, शंखनाद विजयाचा ; हत्तुर येथे आजपासून ‘वंचित’चा प्रचार
२५१ दक्षिण सोलापूर विधानसभा मतदार संघातील वंचित बहुजन आघाडी पक्षाची आज मंगळवार रोजी दि. ५ नोव्हेंबर सकाळी ९ वाजता हत्तूर येथील ग्रामदैवत तीर्थक्षेत्र श्री गुरु सोमेश्वर श्री गुरु बनसिध्देश्वर यांच्या चरणी नतमस्तक होऊन नारळ वाढवून प्रचार शुभारंभ होणार असल्याची माहिती वंचितचे उमेदवार संतोष पवार यांनी दिली.
असा आहे प्रचार दौरा..!
दक्षिण सोलापूर विधानसभा मतदार संघातील वंचितचे अधिकृत उमेदवार संतोष पवार यांचा प्रचाराचा झंझावती दौरा सकाळी ९ वाजता सुरू होणार आहे नऊ वाजता हत्तूर सकाळी ११ वाजता होनमूर्ती १२ वाजता बिरनाळ १ वाजता राजूर २ वाजता औराद ३ वाजता संजवाड ४ वाजता विजापूर नाका ५ वाजता नई जिंदगी या ठिकाणी दौरा आणि मतदारांची गाठीभेटी होणार आहेत.
उमेदवार संतोष पवार यांनी वंचित बहुजन आघाडी पक्ष सर्वधर्मीय लोकांना घेवून यावेळी दक्षिण सोलापूर विधानसभा मतदार संघात सर्व ताकतीने निवडणूक लढविणार आहे.कारखानदार यांच्या विरोधात दंड थोपटले असून दक्षिण मतदार संघाचे यंदा चित्र बदलणार, मतदार संघातील विकासाच्या माध्यमातून शेतकऱ्याची व जनतेची प्रश्न सोडविण्यासाठी कटीबध्द असल्याचे माध्यमांशी बोलताना सांगितले.
