वंचितचे उमेदवार संतोष पवार बाईक, कार रॅलीने भरणार उमेदवारी अर्ज
सोलापूर/ प्रतिनिधी
२५१, सोलापूर दक्षिण विधानसभा मतदारसंघातील वंचित बहुजन आघाडीचे अधिकृत उमेदवार संतोष पवार हे उद्या सोमवारी बाईक आणि कार रॅलीच्या माध्यमातून उमेदवारी अर्ज भरण्यासाठी जाणार आहेत.
वंचित बहुजन आघाडी व मार्ग फाउंडेशनच्या सर्व पदाधिकारी व कार्यकर्त्यांनी मोठ्या संख्येने उपस्थित राहण्याचे आवाहन संतोष पवार यांनी माध्यमांशी बोलताना केले आहे.
उद्या सोमवारी 28 ऑक्टोबर रोजी सकाळी नऊ वाजता व्हाईट हाऊस, हॉटेल सावन समोर, जुळे सोलापूर येथून बाईक आणि कार रॅली काढण्यात येणार आहे.
असा आहे रॅलीचा मार्ग..
व्हाईट हाऊस येथील मार्ग फाउंडेशनच्या कार्यालयापासून जुळे सोलापूर येथून विजापूर रोड, छत्रपती संभाजी महाराज तलाव ते सात रस्ता येथील जिल्हाधिकारी कार्यालय असा रॅलीचा मार्ग असणार आहे.
