MH 13 News Network
इंदापूरजवळ पुणे-सोलापूर महामार्गावर अपघात, दोन महिलांसह एक मुलगी जखमी
आज (रविवार) सकाळी साडेनऊ ते पावणेदहा दरम्यान पुणे-सोलापूर महामार्गावरील इंदापूर येथील हॉटेल निसर्ग जवळ अपघाताची घटना घडली. स्विफ्ट कारने (MH12 PZ 4005) मागून जोरदार धडक दिल्याने टमटम (MH42 AR 0248) रस्त्याच्या कडेला खड्ड्यात जाऊन आदळली.
अपघातामुळे वाहनांचे मोठे नुकसान झाले असून, टमटममधील तीन महिला जखमी झाल्या आहेत.अपघातग्रस्तांना जवळच असलेल्या रुग्णालयात पिकअप वाहनाद्वारे हलवण्यात आले.
प्रत्यक्षदर्शींच्या माहितीनुसार, ॲम्बुलन्सला संपर्क साधला असता वेळेवर प्रतिसाद मिळाला नाही.या मार्गावर दोन्ही वाहने पुण्याच्या दिशेने जात होती. टमटमवर “ग्रामीण परवाना बारामती, दौंड, इंदापूर” असे लिहिलेले होते. पोलिसांनी घटनास्थळी धाव घेत तपास सुरू केला आहे.
या अचानक घडलेल्या दुर्घटनेमुळे या मार्गावरून जाणारे वाहनधारक ताबडतोब मदतीला धावले. अपघात ग्रस्त झालेल्या व्यक्तींना एका पिकअपमधून रुग्णालयात पाठवण्यात आले असल्याची माहिती देण्यात आली आहे.
स्विफ्ट कारने पाठीमागून दिलेल्या जोरदार धडकेने ऑटो रिक्षा टमटमचे खूप मोठे नुकसान झाले आहे.
