वडाळा, ता. उत्तर सोलापूर |
जिल्हा परिषदेच्या विद्यार्थ्यांसाठी एक आगळीवेगळी भेट!
छावा प्रतिष्ठानचे संस्थापक अध्यक्ष व युवा सामाजिक कार्यकर्ते तुषार (दादा) साठे यांनी त्यांच्या ३० व्या वाढदिवसानिमित्त समाजोपयोगी उपक्रम राबवत जि.प. शाळा वडाळा येथे खाऊ वाटप केले तसेच स्पिकर सेट भेट देऊन विद्यार्थ्यांना आनंद दिला.
शैक्षणिक व सामाजिक क्षेत्रात सक्रिय असलेले साठे हे नेहमीच वडाळा गावात विविध उपक्रमांत सहभागी असतात. वाढदिवस साजरा करतानाही त्यांनी नेहमीप्रमाणे सामाजिक बांधिलकी जपत उपक्रमाची परंपरा कायम राखली.कार्यक्रमावेळी मुख्याध्यापिका सौ. राऊत यांनी त्यांच्या कार्याचे कौतुक करत, शाळेच्या वतीने शुभेच्छा देऊन सत्कार केला. यावेळी शाळेतील सर्व शिक्षक,शिक्षिका आणि शिक्षकेतर कर्मचारी उपस्थित होते.
“हे तर माझे कर्तव्यच!” – तुषार साठे
“संगीतामध्ये मुलांच्या मनावर जादू करण्याची शक्ती आहे. त्यांना आनंदी करण्यासाठी हा माझा एक छोटासा प्रयत्न आहे. भविष्यातही विद्यार्थ्यांच्या गरजेसाठी मी सदैव तयार असेन. राष्ट्राच्या या संपत्तीसाठी केलेले सहकार्य हे तर माझे कर्तव्यच आहे,” अशी सामाजिक बांधिलकीची भावना तुषार साठे यांनी यावेळी व्यक्त केली.
