MH 13NEWS NETWORK
शहर उत्तर विधानसभा मतदारसंघातून राष्ट्रवादी काँग्रेस पार्टी शरदचंद्र पवार पक्षाच्यावतीने महाविकास आघाडीचे अधिकृत उमेदवार महेश विष्णुपंत कोठे हे आज सोमवारी ( 28 ऑक्टोंबर) भव्य पदयात्रेने शक्तीप्रदर्शन करणार असून त्यानंतर उमेदवारी अर्ज भरणार आहेत. आज दीपावलीचा पहिला दिवस वसुबारस असून या शुभ मुहूर्तावर कोठे आपल्या समर्थकांसह अर्ज भरण्यासाठी जाणार आहेत.
उत्तरमध्ये यावेळी आमदारकीसाठी मोठी चुरस असणार असून महेश कोठे हे उमेदवारी अर्ज भरतानाच मोठ्या पदयात्रेने आपली ताकद दाखवणार आहेत.
असा आहे पदयात्रेचा मार्ग..
सोमवारी 28 ऑक्टोबर रोजी सकाळी आठ वाजता पदयात्रेस सुरुवात होईल. बलिदान चौक येथून राष्ट्रवादी संपर्क कार्यालय ते चार हुतात्मा चौक या ठिकाणी पदयात्रेचा समारोप होणारा असून त्यानंतर उमेदवारी अर्ज भरण्यात येणार आहे.
या पदयात्रेत राष्ट्रवादी काँग्रेस पार्टी शरदचंद्र पवार पक्षाचे पदाधिकारी तसेच महाविकास आघाडीचे पदाधिकारी , कार्यकर्ते यांनी मोठ्या संख्येने उपस्थित राहावे असे आवाहन राष्ट्रवादी शरद पवार पक्षाचे नेते महेश कोठे यांनी केले आहे.
