MH 13News network
सोलापूर : बारावी उत्तीर्ण विद्यार्थ्यांसाठी पत्रकारिता, जनसंपर्क, रेडिओ, दूरदर्शन आणि डिजिटल माध्यम क्षेत्रात करिअर घडविण्याची सुवर्णसंधी उपलब्ध झाली आहे. पुण्यश्लोक अहिल्यादेवी होळकर सोलापूर विद्यापीठाच्या जनसंप्रेषण विभागामार्फत बी.ए. मीडिया अँड मास कम्युनिकेशन (AEDP) हा व्यावसायिक अभ्यासक्रम शैक्षणिक वर्ष २०२६-२७ पासून सुरू करण्यात आला आहे.
या अभ्यासक्रमात शासन नियमानुसार शिष्यवृत्ती, स्पर्धा परीक्षापूरक शिक्षण, आंतरराष्ट्रीय दर्जाचे टीव्ही व रेडिओ स्टुडिओ, माध्यम संस्थांमध्ये प्रात्यक्षिके व इंटर्नशिप, नामांकित माध्यमकर्मींचे मार्गदर्शन, स्वतंत्र संगणक प्रयोगशाळा आणि अनुभवी प्राध्यापकांचे मार्गदर्शन उपलब्ध करून देण्यात येणार आहे.
पत्रकारिता क्षेत्रात करिअर करू इच्छिणाऱ्या विद्यार्थ्यांसाठी हा अभ्यासक्रम विशेष उपयुक्त ठरणार असून, टीव्ही चॅनेल्स, वृत्तपत्रे, एफएम रेडिओ, वेब चॅनेल्स, जनसंपर्क विभाग तसेच शासकीय व खासगी संस्थांमध्ये रोजगाराच्या विविध संधी उपलब्ध होणार आहेत. विद्यार्थ्यांना स्वतःचे डिजिटल माध्यम किंवा वृत्तव्यवसाय सुरू करण्याची संधीही या अभ्यासक्रमातून मिळणार आहे.
कोणत्याही शाखेतून बारावी उत्तीर्ण विद्यार्थी प्रवेशासाठी पात्र असून, यंदा केवळ ५० विद्यार्थ्यांची प्रवेश क्षमता निश्चित करण्यात आली आहे. प्रवेश प्रक्रिया सुरू झाली असून इच्छुक विद्यार्थ्यांनी लवकरात लवकर नोंदणी करण्याचे आवाहन करण्यात आले आहे.
पदवीधरांसाठी उच्च शिक्षणाची संधी…
पुण्यश्लोक अहिल्यादेवी होळकर सोलापूर विद्यापीठाच्या सामाजिक शास्त्रे संकुलामार्फत शैक्षणिक वर्ष २०२६-२७ साठी विविध पदव्युत्तर अभ्यासक्रमांच्या प्रवेश प्रक्रियेला सुरुवात झाली असून
एम.ए. राज्यशास्त्र, एम.ए. लोकप्रशासन, एम.ए. इतिहास आणि एम.ए. रुरल डेव्हलपमेंट या अभ्यासक्रमांसाठी कोणत्याही शाखेतील पदवीधर विद्यार्थ्यांना प्रवेश घेता येणार आहे.
उच्च शिक्षणासोबतच स्पर्धा परीक्षा, संशोधन आणि करिअरच्या नव्या संधी उपलब्ध करून देणाऱ्या या अभ्यासक्रमांसाठी इच्छुक विद्यार्थ्यांनी त्वरित संपर्क साधण्याचे आवाहन विद्यापीठाच्या माध्यमातून करण्यात आले आहे.
संपर्क : 9260489383 / 8329839451 / 9881050599
