MH 13 News Network
भारतीय जनता पक्षाचे प्रदेश अध्यक्ष श्री चंद्रशेखर बावनकुळे यांच्या मान्यतेने भाजपा आध्यात्मिक समन्वय आघाडीचे प्रदेश अध्यक्ष मा. आचार्य तुषार भोसले यांनी सोलापूरचे डाॕ. प्रदीप मा. जाधव, देशमुख ज्योतिर्विद्या वाचस्पती यांची भाजपा आध्यात्मिक आघाडीच्या प्रदेश कार्यकारिणी सदस्य म्हणून घोषित केले. त्याचबरोबर भाजपा आध्यात्मिक आघाडीच्या प्रदेश समन्वयक पदाची विशेष जबाबदारी सोपविण्यात आली आहे.महाराष्ट्रातील ज्योतिष व आध्यात्मिक क्षेत्रातील मान्यवरांनी आनंद व अभिनंदन व्यक्त केले आहे.
डाॕ. प्रदीप जाधव, देशमुख यांनी 1993 ते 2002 पर्यंत भाजपा पंढरपूर तालुका अध्यक्ष म्हणून अतिशय चांगले काम केले. आज त्यांचे ज्योतिष तथा आध्यात्मिक क्षेत्रात मोठे कार्य असून आनंद आखाड्याचे प्रमुख ब्रह्मलीन तपोनिधी सद्गुरु सागरानंद सरस्वती महाराजांचे शिष्य आहेत .याची दखल घेऊन त्यांना जबाबदारी देण्यात आली आहे.
भाजपा प्रदेश उपाध्यक्ष मा. सुरेश हाळवणकर, प्रदेश संघटक रवि अनासपूरे, पश्चिम महाराष्ट्र संघटक मकरंद देशपांडे यांचे विशेष प्रयत्न लाभले.अशी माहिती पंचांग कर्ते मोहनराव दाते, वरूड चे ज्योतिषाचार्य नंदकुमार जोशी, के. पी. ज्योतिषाचार्य विजयानंद पाटील. मुंबई , मेदीनिय ज्योतिषाचार्य डाॕ. सुहास डोंगरे, पुणे, पुरोहित वैभव कामतकर, सोलापूर, ज्योतिष प्रवीण अण्णा कोळेकर सोलापूर , भाजपा सोलापूर शहर सरचिटणीस पांडुरंग दिड्डी, ज्येष्ठ नेते रामचंद्र जन्नू व माजी कार्यालय मंत्री श्रीहरी म्याकल यांनी दिली.
यावेळी डाॕ. प्रदीप जाधव , देशमुख यांनी भाजपा आध्यात्मिक आघाडीचे प्रदेश अध्यक्ष आचार्य तुषार भोसले यांचे आभार मानले. तसेच भाजपा आध्यात्मिक माध्यमातून प्रदेशातील आध्यात्मिक तथा ज्योतिष क्षेत्रातील संघटन मजबूत करून समस्या सोडविण्यासाठीचे कार्य , त्यांच्या हक्काचे संरक्षण, त्यांच्या वरील अन्याया विरूद्ध लढा देण्याचे कार्य करण्यात येईल, असे सांगितले. विशेष करून ज्योतिष क्षेत्रातील मान्यवर तसेच खेडोपाडी कुंडली तयार करणाऱ्या ज्योतिषांचे संघटन व समन्वय करून आघाडीचे कार्य संपूर्ण महाराष्ट्रात वाढविण्यासाठी अथक प्रयत्न करणार असल्याचे ही सांगितले .
आपणास ही जबाबदारी सोपविल्याबद्दल उपमुख्यमंत्री देवेन्द्र फडणवीस, प्रदेश अध्यक्ष चंद्रशेखर बावनकुळे. प्रदेश उपाध्यक्ष सुरेश हाळवणकर,पालक मंत्री चंद्रकांत पाटील, पश्चिम महाराष्ट्र संघटक मकरंद देशपांडे, जिल्हा अध्यक्ष आमदार सचिन कल्याणशेट्टी, आमदार विजयकुमार देशमुख, आमदार सुभाष देशमुख तसेच सर्व हितचिंतकांचे आभार मानले.
