MH 13News Network
गांजा बाळगण्या प्रकरणी उच्च न्यायालयात जामीन मंजूर
१०६ किलो गांजा ताब्यात बाळगल्या प्रकरणी अटकेत असलेला आरोपी सिद्धार्थ ननवरे, रा. भंडीशेगाव, ता. पंढरपूर यास मुंबई उच्च न्यायालयाने जामीन मंजूर केला असल्याची माहिती ॲड. जयदीप माने यांनी दिली.
या प्रकरणाची हाकिकत अशी की,
नार्कोटिक सेल कस्टम यांना टीप मिळाली होती की आरोपी हे मुंबई येथे डिलिव्हरी करण्यासाठी मोठ्या प्रमाणात गांजा घेऊन जात आहेत. सदरच्या माहितीवरून नार्कोटिक सेल कस्टम यांनी आरोपींना अडवून त्यांच्या गाडीचा पाहणी केली असता गाडीच्या डिक्कीत १०६ किलो गांजा आढळून आला. याप्रकरणी पोलिसांनी आरोपी सिद्धार्थ नरवरे व त्याच्या साथीदारांना गांजा बाळगल्या प्रकरणी अटक केली.
सत्र न्यायालयाने आरोपी सिद्धार्थ ननवरेचा जामीन अर्ज फेटाळल्यानंतर आरोपीने ॲड. जयदीप माने यांच्यामार्फत मुंबई उच्च न्यायालयात जामीन अर्ज दाखल केलेला होता. जामीन अर्जाच्या सुनावणी वेळी आरोपीचे वकीलांनी आपल्या युक्तिवादामध्ये असे नमूद केले की, आरोपी सिद्धार्थ ननवरे हा सदरच्या गाडीचा मालक नसून गाडीच्या डिक्कीत गांजा सापडल्यामुळे त्याचा या गुन्ह्यात सहभाग आहे असे सिद्ध होत नाही.
दोन्ही बाजूचा युक्तिवाद ऐकून न्यायमूर्तींनी आरोपी सिद्धार्थ ननवरे याची जामीनवर मुक्तता केली.
या प्रकरणी आरोपीतर्फे ॲड. जयदीप माने ,ॲड. विलासिनी बालसुब्रमण्यम, ॲड. सिद्धेश्वर खंडागळे यांनी तर सरकारतर्फे ॲड. ए ए पालकर तर कस्टम नार्कोटिक सेल तर्फे विशेष सरकारी वकील अमित मुंडे यांनी काम पाहिले.
