MH 13News Network
मराठा आरक्षणासाठी निर्माण झालेली चळवळ, आंदोलनाची तीव्रता लोकसभा निवडणुकीत दिसायला सुरुवात झाली आहे. मराठा समाजाने लोकसभा उमेदवारांना जाब विचारायला सुरुवात केली आहे. परभणीतील लोकसभा मतदारसंघातील भाजप उमेदवार महादेव जानकर यांना मराठा समाजाने परत पाठवले आहे.
परभणी येथील पाथरी तालुक्यात लोकसभा उमेदवार महादेव जानकर गाव भेट प्रचारासाठी आले होते त्यावेळी मराठा समाजातील आंदोलकांनी त्यांना मराठा आरक्षणासंदर्भात आपली नेमकी भूमिका काय..? तसेच मराठा आरक्षणासाठी तुम्ही नेमके काय केले.? असा जाब विचारला.
गाव भेट दौऱ्या दरम्यान जानकर यांनी पाथरी येथील आंदोलकांच्या प्रश्नांना उत्तर देण्याचा प्रयत्न केला. परंतु वातावरण बघून जानकर निघून गेले.
