सोलापूर शहरातील प्रसिद्ध श्रीमार्कंडेय सोलापूर सहकारी रुग्णालय आणि संशोधन केंद्र नियमित सोलापूर मध्ये आज शनिवारी सायंकाळी साधारण साडेसहा नंतर अचानक कोड रेड अलर्ट वाजला.
शहर व जिल्हा परिसरातील गोरगरिबांचे रुग्णालय अशी ओळख असलेल्या मार्कंडेय सहकारी रुग्णालयात आज शनिवारी सायंकाळी कोड रेड अलर्ट वाजला. त्यामुळे तेथे असलेल्या रुग्णांमध्ये आणि नातेवाईकांमध्ये भीतीचे वातावरण निर्माण झाले. परंतु रुग्णालय प्रशासनाने तातडीने केलेल्या उपायामुळे कोणताही अपाय झाला नाही.अशी माहिती मिळाली आहे.
नेमके काय झाले..
मार्कंडेय रुग्णालयातील तिसऱ्या मजल्यावर फीमेल वार्ड जवळ असलेल्या एका स्पेशल रूममध्ये असलेला ऑक्सिजनचा सिलेंडर अचानक खाली पडल्याने मोठा आवाज झाला.सिलेंडर मधील ऑक्सिजन सभोवताली पसरला असल्याचे सांगण्यात आलं. अचानक रुग्णांच्या नातेवाईकांमध्ये आणि रुग्णालयातील कर्मचाऱ्यांमध्ये भीतीचे वातावरण निर्माण झाले होते.
फीमेल वार्ड जवळ असलेल्या रूम नंबर 305 मध्ये रामकिसन धूत हे रुग्ण उपचारासाठी दाखल आहेत. त्याच रूम मध्ये ऑक्सिजनचा सिलेंडर खाली पडल्याने फुटला.त्यामुळे मोठा कर्कश आवाज झाला.त्यातून गॅस बाहेर पडला.परंतु कोणतीही हानी झाली नाही.
रुग्णाच्या जवळ असलेल्या महिला नातेवाईकांमध्ये घबराट पसरली होती.
परंतु रुग्णालय प्रशासनाचे अधिकारी तातडीने त्या ठिकाणी आल्याने तात्काळ उपाययोजना करण्यात आली. परिस्थितीवर नियंत्रण मिळाल्याने रुग्णांनी आणि रुग्णांच्या नातेवाईकांनी सुटकेचा निश्वास सोडला. कोणत्याही प्रकारची हानी झाली नसल्याची माहिती मिळाली आहे.
याबाबत अधिक माहितीसाठी रुग्णालयाचे चेअरमन डॉ. विजयकुमार आरकल यांच्याशी संपर्क साधला असता संपर्क होऊ शकला नाही.