MH 13 NEWS NETWORK
परभणीतील संविधान प्रतीकृतीची विटंबना करणाऱ्यांवर कठोर कारवाई करावी, मागासवर्गीय निरपराध लोकांची अटक बंद करा खासदार प्रणितीताई शिंदे यांची
मागणी
🔵👉 भाजपचे दोन चेहरे उघड झाले आहेत, एकीकडे ते स्वातंत्र्याची ७५ वर्षे साजरे करत आहेत तर दुसरीकडे ते भारतीय राज्यघटनेचा अपमान करत आहेत.
🔵👉 संसद प्रवेशद्वारासमोर खासदार प्रणितीताई शिंदे यांच्यासह महाराष्ट्रातील महाविकास आघाडीतील खासदारांचे आंदोलन
नवी दिल्ली, दिनांक १४ डिसेंबर २०२४
परभणी येथील संविधानाच्या प्रतिकृतीची विटंबना करणाऱ्यांवर तातडीने कठोर कारवाई करावी आणि मागासवर्गीय निरपराध लोकांवर अन्यायकारक कारवाई थांबवावी, भारतीय संविधानाच्या शिल्पाची तोडफोड करणाऱ्यांची कसून चौकशी करावी, अशी मागणी संसद भवनाच्या पवित्र परिसरात आंदोलनाद्वारे केली.
तसेच त्याला कोणी चिथावणी दिली होती का, हे तपासावे जेणेकरून या प्रकरणामागचा मास्टरमाईंड कोण आहे ? हे समोर येईल. अशी मागणी केंद्र सरकार आणि महायुती सरकारला करण्यात आली.
महायुती सरकारच्या अन्यायकारक आणि भेदभावपूर्ण भूमिकेचा निषेध करत, संविधानाच्या रक्षणासाठी आणि सामाजिक न्यायाच्या बाजूने उभे राहण्याचा निर्धार यावेळी व्यक्त करण्यात आला. संविधान ही आपल्या लोकशाहीची पवित्रता आहे, तिच्या अपमानास कोणत्याही प्रकारे मूकसंमती देणे हे स्विकारार्ह नाही. न्यायासाठी हा संघर्ष पुढेही सुरूच राहील.
