MH 13 News Network
मार्ग फाउंडेशनच्या माध्यमातून दक्षिण सोलापुरात विविध कामांचा आणि योजनेचा लाभ सर्वसामान्य नागरिकांना आणि वंचित घटकांना मिळून देण्यात संस्थापक संतोष पवार हे यशस्वी ठरले आहेत. आपले राजकीय भवितव्य आजमावण्यासाठी त्यांनी वंचित बहुजन आघाडीचा मार्ग स्वीकारला असून प्रकाश आंबेडकर यांच्या साथीने दक्षिण सोलापूर मतदारसंघात त्यांची उमेदवारी फिक्स झाली आहे.
संतोष सेवू पवार यांना वंचित बहुजन आघाडी कडून दक्षिण सोलापूर विधानसभा मतदारसंघासाठी अधिकृत उमेदवार म्हणून वंचित बहुजन आघाडीचे राष्ट्रीय नेते प्रकाश आंबेडकर यांच्या हस्ते एबी फॉर्म देण्यात आला यावेळी सोलापूर जिल्हा निरीक्षक सोमनाथ साळुंखे, युवा नेते विक्रांत गायकवाड, प्रदेश प्रवक्ता सिद्धार्थ मोकळे, महाराष्ट्र उपाध्यक्ष अनिल जाधव इत्यादी उपस्थित होते.
मार्ग फाउंडेशनच्या माध्यमातून रोजगार निर्मिती, ग्रामीण भागातील युवकांना गाव पातळीवरच उद्योग उभारणी, महिलांसाठी गृहउद्योग, रिक्षा परवाने, स्वच्छता, पिण्याच्या पाण्याची व्यवस्था ,आरोग्य सुविधा या प्रकारची कामे संतोष पवार यांनी जनतेसाठी सुरू केली आहेत.
