MH 13News Network
उपाध्यक्षपदी धनंजय कोळकुर, खजिनदारपदी नितीन भोसले यांची निवड
शहरातील वसंत विहार परिसरातील, बालाजी नगर मधील बालाजी पॅराडाईज गणेशोत्सव सांस्कृतिक मंडळाची बैठक रविवारी 25 ऑगस्ट रोजी पार पडली. त्यात नूतन पदाधिकाऱ्यांची निवड करण्यात आली.या बैठकी वेळी सोसायटीचे सर्व सभासद, महिला वर्ग यांची विशेष उपस्थिती होती. बैठकीनंतर अल्पोपहाराची व्यवस्था करण्यात आली होती.
बालाजी गणेश मंडळाच्या वतीने दरवर्षी विविध सांस्कृतिक उपक्रमांनी गणेशोत्सव साजरा करण्यात येतो. सर्व सभासदांचा यामध्ये उस्फूर्त सहभाग असतो. सर्व उपक्रमांमध्ये लहान मुलांचा आणि महिला वर्गांचा विशेष सहभाग असल्याने परिसरामध्ये या मंडळाचे कौतुक केले जाते.
यंदाही विविध सांस्कृतिक उपक्रमांनी गणेशोत्सव साजरा करण्याचा संकल्प नूतन अध्यक्ष प्रशांत कंकाळ, उपाध्यक्ष धनंजय कोळकुर, आणि खजिनदार नितीन भोसले यांनी घेतला असल्याचे जाहीर केले. यावेळी सर्व सभासदांनी नूतन पदाधिकाऱ्यांचे अभिनंदन करून सत्कार केला.
