mh 13 news network
सोलापूर : तब्बल चार वर्षांच्या प्रशासकीय राजवटीनंतर आज महापालिकेची विशेष सभा पार पडत असून नव्या कारभाऱ्यांच्या स्वागतासाठी संपूर्ण महापालिका सज्ज झाली आहे. कौन्सिल हॉलसह संपूर्ण सभागृह आकर्षक पद्धतीने सजविण्यात आले असून प्रशासनात नव्या अध्यायाची सुरुवात होत असल्याचे वातावरण दिसून येत आहे.
सकाळपासूनच महापालिका परिसरात लगबग वाढली असून अधिकारी, कर्मचारी आणि नव्याने निवडून आलेले पदाधिकारी मोठ्या उत्साहात उपस्थित होत आहेत. काही सदस्य कौन्सिल हॉलमध्ये प्रवेश करण्यापूर्वी सभागृहाच्या पहिल्या पायरीचे दर्शन घेत पुढील प्रक्रियेसाठी मार्गस्थ होत असल्याचे चित्र पाहायला मिळाले.
चार वर्षे ‘फाईलराज’ अनुभवल्यानंतर आता ‘लोकप्रतिनिधी राज’ परतल्याने महापालिकेच्या कामकाजाला नवसंजीवनी मिळण्याची अपेक्षा व्यक्त केली जात आहे. आजच्या विशेष सभेकडे संपूर्ण शहराचे लक्ष लागले आहे.
Solapur Municipal Corporation, Solapur
