MH 13News Network
बाळे येथील शिक्षक रहिवासी राहुल राजेंद्र ढेपे (पुजारी) वय वर्षे ४० यांचे हृदयविकाराच्या तीव्र झटक्याने निधन झाले. ते विद्यानिकेतन हायस्कूल साखर पेठ येथे नोकरीस होते. आज शनिवारी दुपारी जेवण केल्यानंतर अचानक त्यांच्या छातीत दुखू लागले. त्यांना अस्वस्थ वाटू लागल्याने मार्कंडेय रुग्णालय या ठिकाणी उपचारासाठी दाखल करण्यात आले होते. परंतु उपचारादरम्यान मृत्यू झाल्याची माहिती त्यांच्या निकटवर्तीय यांनी दिली आहे.
नुकत्याच झालेल्या लोकसभेच्या निवडणूक कामी त्यांची नियुक्ती करण्यात आली होती. उत्कृष्ट रित्या त्यांनी आपली सेवा बजावली होती. ते मनमिळाऊ आणि धार्मिक प्रवृत्तीचे होते.
त्यांच्या पश्चात वडील, आई, पत्नी, दोन मुली, विहाहित भाऊ व भाऊजय असा परिवार आहे. अंत्ययात्रा बाळे येथील राहत्या घरापासून उद्या रविवारी दिनांक १२/०५/२०२४ रोजी सकाळी ११.०० वाजता निघणार असल्याची माहिती त्यांच्या नातेवाईकांनी दिली.
