MH 13News Network
सोलापूर : दरवर्षी प्रमाणे यंदाही सोलापुरातील अशोक चौकातील श्री संत तुकाराम महाराज मंदिरामध्ये तुकाराम बीज सोहळा साजरी करण्यात आला. यंदाचे हे ९२ वर्ष होते. त्यानिमित्त बुधवारी ह.भ.प.विष्णू महाराज मोरे यांचे सकाळी १० ते १२ वेळेत गुलालाचे कीर्तन व पुष्पवृष्टी होऊन महाप्रसादाचे वाटप करण्यात आले.
तुकाराम महाराज बीज सोहळा निमित्त जगद्गुरु तुकाराम महाराज मंदिर न्यू पाच्छा पेठ या ठिकाणी अखंड हरिनाम सप्ताहाचे आयोजन करण्यात आले होते. १९ मार्चपासून २७ मार्चपर्यंत हा सप्ताह करण्यात आला. यामध्ये रोज विविध महाराज मंडळींची कीर्तन तसेच भजनी मंडळांचा हरी जागर संपन्न झाला. २७ मार्च रोजी सायंकाळी भगवंत महाराज मोरे यांच्या काल्याच्या कीर्तनाने या सप्ताहाची सांगता झाली.
या सोहळ्यामध्ये ह भ प चैतन्य महाराज मोरे, अजिंक्य महाराज मोरे, विकी सूर्यवंशी, किशोर मोरे, उदय मोरे, प्रभाकर मोरे, योगेश मोरे, अनिल मोरे, विशाल मोरे, शिवा गायकवाड ,आदींनी परिश्रम घेतले
