चेतन नरोटे यांच्या प्रभातफेरीत लोकांचा निर्धार
MH 13 NEWS NETWORK
सोलापूर :- शहर मध्य मतदारसंघातील महाविकास आघाडीचे उमेदवार चेतन नरोटे यांनी आज रविवारी काढलेल्या प्रभात फेरीला लोकांकडून उत्स्फूर्त प्रतिसाद मिळाला. आमचं ठरलंय, चेतन भाऊ तुम्हालाच निवडून द्यायचं, या शब्दांत विविध स्तरातील लोकांनी यावेळी आपला निर्धार बोलून दाखविला.
विधानसभा निवडणुकीची रणधुमाळी सर्वत्र सुरु आहे. उमेदवारांच्या पदयात्रा, कॉर्नर सभांना वेग आला आहे. यामध्ये आघाडीवर असलेल्या चेतन नरोटे यांनी रविवारी आगळ्यावेगळ्या पद्धतीने प्रचार केला. त्यांनी प्रभातफेरी काढून सकाळी मॉर्निंग वॉक, जॉगिंग व योगासाठी निघालेल्या लोकांनी संवाद साधला. सकाळी साडेसहा वाजण्याच्या सुमारास महापालिका, पार्क चौक खंदक बगीचा, पुंजाल मैदान, अशोक चौकातील मार्कंडेय उद्यान, वल्याळ ग्राउंड, कर्णिक नगर ग्राउंड आदी ठिकाणी प्रभातफेरी केली.
एवढया सकाळी चेतन नरोटे उद्यानात आल्याचे पाहून उपस्थितांंना कुतुहूलमिश्रित आश्‍चर्य वाटले. उद्यानात वॉकिंग, जॉगिंग, योगा करणार्‍यांजवळ जात चेतन नरोटे यांनी स्वत:हून त्यांच्याशी संवाद साधला. लोकांच्या समस्या जाणून घेतल्यानंतर चेतन नरोटे यांनी मी आजपर्यंत केलेल्या कामांच्या आधारावर मी तुमच्यासमोर मते मागण्यासाठी आलो आहे तसेच शहरातील उद्याने व क्रीडांगणे याचा विकास करणार असे सांगत निवडून देण्याविषयी साद घातली. यावर लोकांनीही उत्स्फूर्तपणे आमचं ठरलंय, चेतन भाऊ तुम्हाला निवडून द्यायचं असे सांगत पाठिंबा दर्शविला.
मॉर्निंग वॉक ला आलेल्या लोकांशी संवाद साधल्यानंतर चेतन नरोटे यांनी कर्णिकनगर चौकातील एका टपरीवर लोक व कार्यकर्त्यांसमवेत गप्पा मारत चहाचा आस्वादही घेतला. यानंतर फेरीच्या मार्गावरील लोकांशी संवाद साधत चेतन नरोटे यांनी काँग्रेस पक्षाला मतदान करून विजयी करावे असे आवाहन केले.
यावेळी युवक काँग्रेसचे अध्यक्ष गणेश डोंगरे, तिरूपती परकीपंडला, संजय गायकवाड, अंबादास चव्हाण, यांच्यासह नागरिक बंधु भगिनी उपस्थित होते.
