आम्ही वंचित का..? मोहोळचे शिष्टमंडळ थेट दिल्लीत..! वाचा काय आहे कारण..?

मोहोळ/ प्रतिनिधी

मोहोळहून मुंबई – पुण्यासह इतर ठिकाणीही जाणाऱ्या रेल्वे प्रवाशांसाठी मोहोळ रेल्वे स्थानकावर पुर्वी प्रमाणेच रेल्वे थांबा व्हावा या मागणीचे निवेदन मोहोळ येथील शिष्टमंडळासह केंद्रीय रेल्वे मंत्री अश्वीनी वैष्णव यांना खासदार प्रणिती शिंदे यांनी दिले. (Praniti shinde MP )

मोहोळहुन (Mohol ) पुणे -मुंबईला जाणाऱ्या प्रवाशांची संख्या मोठी आहे . पुणे -मुंबईला जाणाऱ्या प्रवाशामध्ये लहान मोठया व्यापारी वर्गासह शेतकरी , विद्यार्थी , नोकरदार , सर्वसामान्य नागरिकांच्या संख्येत मोठी वाढ झाली आहे .

मार्च २०२० ( लॉकडाऊन ) पूर्वी मोहोळ रेल्वे स्टेशनवर सिद्धेश्वर एक्सप्रेस , चेन्नई मेल , कलबुर्गी -कोल्हापूर आदी गाडयांना थांबा होता, मात्र सध्या या ठिकाणी सदरील रेल्वे थांबत नाही.तरी मोहोळ रेल्वे स्थानकावर, पुर्वीच्या गाडयासह , हुतात्मा (इंटरसिटी ), एक्सप्रेस , इंद्रायणी एक्सप्रेस, सोलापुर कोल्हापुर आदी गाड्यानाही मोहोळ थांबा मिळावा.अशी आग्रही मागणी या भेटी दरम्यान करण्यात आली.

यावेळी खासदार प्रणिती शिंदे यांच्यासह शाहीन शेख सोलापूर महिला जिल्हाध्यक्षा, माजी सरपंच , नगरसेविका सिमा पाटील , पत्रकार चंद्रकांत देवकते,विक्रांत दळवी राष्ट्रवादी तालुकाध्यक्ष , विधिज्ञ श्रीरंग लाळे , संतोष शिंदे , सुरज शेख आदी उपस्थित होते .

रेल्वे मंत्र्यांचा सकारात्मक प्रतिसाद..! सातत्याने पाठपुरावा..

मोहोळ शहरासह तालुक्यासाठी अतिशय गरजेचा असणारा रेल्वे थांबा होण्यासाठी मोहोळ येथील नागरिक प्रयत्न करत आहेत. याच मागणीसाठी केंद्रीय रेल्वे मंत्री अश्वीनी वैष्णव (Ashwini Vaishanv )

यांना खास मोहोळ शहरातील शिष्टमंडळासह भेटलो. यावेळी रेल्वेमंत्र्यांनी सकारात्मक प्रतिसाद दिला.संबधित प्रश्नाबाबत माहीती घेऊन माझ्या परीने मी सकारात्मक निर्णय घेण्याचा प्रयत्न करेन असे आश्वासन मंत्री अश्विनी वैष्णव यांनी शिष्टमंडळाला दिले. मोहोळच्या जिव्हाळ्याचा असणारा प्रश्न मार्गी लावण्यासाठी मी सातत्याने पाठपुरावा करून प्रयत्नशील असेन.

प्रणिती शिंदे, खासदार