MH 13 News Network
सोलापूरचे पालकमंत्री चंद्रकांत पाटील हे आज सोलापुरात येणार असून दुपारी श्री रूपाभवानी मंदिरात दर्शनासाठी येणार आहेत. शहर परिसरातील या मंदिरात नवरात्रीचा उत्सव हा मोठ्या प्रमाणावर साजरा केला जातो.
साधारण साडेतीन वाजता पालकमंत्री तुळजाभवानी रोडवरील श्री रूपाभवानी मंदिरात दर्शन घेणार असून त्यानंतर ते शासकीय विश्रामगृहात जाणार आहेत.
आज गुरुवारी दुपारी साधारण साडेचार वाजता सात रस्ता येथील जिल्हा नियोजन समिती भवन येथील मिटींगला उपस्थित राहणार आहेत.
व्हिजन सोलापूर समृद्ध सोलापूर चर्चासत्रात राहणार उपस्थित..!
आमदार सुभाष देशमुख यांच्या संकल्पनेतून आणि पर्यटन विभागाच्या माध्यमातून होटगी तलावाशेजारी पर्यटन केंद्राची निर्मिती करण्यात आली आहे. या विरंगुळा केंद्रावर “व्हिजन सोलापूर समृद्ध सोलापूर” चर्चासत्रास पालकमंत्री चंद्रकांत पाटील उपस्थित राहणार आहेत. या कार्यक्रमास सोलापुरातील प्रतिष्ठित, अभ्यासू, सोलापूर विकास साठी प्रयत्न करणारी मंडळी उपस्थित राहणार असल्याची माहिती माजी सहकार मंत्री तथा आमदार सुभाष देशमुख यांच्याकडून देण्यात आली आहे.
साधारण सव्वा सहा वाजता या कार्यक्रमास सुरुवात होईल. याठिकाणी एक तास चर्चासत्र, संवाद, सूचना आणि प्रश्नोत्तरे असा कार्यक्रम असल्याची माहिती देण्यात आली आहे.